सध्या स्थानिक स्वराज्य संस्थांच्या आगामी निवडणुकांसाठी सर्वच राजकीय पक्षांमध्ये जोरदार तयारी सुरू आहे. याच पार्श्वभूमीवर, नगरसेवक आणि नगराध्यक्ष पदासाठी उमेदवारांच्या मुलाखतींना सुरुवात झाली असून, या मुलाखतींमधून पक्ष नेतृत्व योग्य आणि प्रभावी उमेदवारांची निवड करण्याचा प्रयत्न करत आहे.
मुलाखतीदरम्यान उमेदवारांना विचारले जाणाऱ्या काही महत्त्वाचे प्रश्नांमध्ये संबंधित शहरातील एकूण मतदारसंख्या किती आहे, पालिकेचे वार्षिक बजेट किती आहे, आपल्या विभागात कोणती प्रमुख कामे बाकी आहेत, तसेच निवडून आल्यास कोणत्या प्राधान्याने कामे करणार आहात, अशा विषयांवर चर्चा होत आहे.
याशिवाय उमेदवारांची खर्च करण्याची क्षमता, समाजकारणातील अनुभव, आणि आतापर्यंत त्यांनी केलेली लोकसेवा यांचीही माहिती घेतली जात आहे. अनेक उमेदवारांना विचारण्यात आले की किती वर्षांपासून समाजकारण आणि राजकारणात सक्रिय आहात? कोणत्या सामाजिक संघटनांशी ते जोडलेले आहेत, तसेच पक्षाच्या विचारधारेबद्दल त्यांच काय मत आहे.
या मुलाखतींमध्ये प्रामुख्याने जुने कार्यकर्ते आणि पदाधिकारी सहभागी होत आहेत. अनेक कार्यकर्ते गेल्या काही वर्षांपासून स्थानिक पातळीवर काम करत असून, पक्षाकडून त्यांना नगरसेवक किंवा नगराध्यक्षपदासाठी संधी मिळावी अशी अपेक्षा व्यक्त केली जात आहे.
पक्षाने उमेदवारी देताना, उमेदवारांची निवड ही केवळ लोकप्रियता किंवा आर्थिक सामर्थ्यावर न होता, त्यांच्या कार्यक्षमता, संघटनाशी निष्ठा आणि जनतेतील प्रतिमेच्या आधारे केली जाणार जाते. मुलाखतींचा हा टप्पा पूर्ण झाल्यानंतर पक्ष अंतिम यादी जाहीर तयार करतात, त्यानंतर अधिकृत उमेदवारांची घोषणा केली जाते.
या मुलाखती केवळ औपचारिक संवाद नसून, उमेदवारांची तयारी आणि जबाबदारीची जाणीव या मुलाखतीं दरम्यान तपासली जाते.
आर्थिक क्षमता आणि व्यवस्थापन
निवडणूक लढवण्यासाठी इच्छुकांची खर्च करण्याची क्षमता किती आहे?
शहराची माहिती
शहरात एकूण मतदार किती आहेत? शहराच्या पालिकेचे बजेट किती आहे?
राजकीय आणि सामाजिक
तुम्ही किती वर्षांपासून समाजकारण आणि राजकारणात सक्रिय आहात?
स्थानिक समस्या आणि उपाय
तुमच्या प्रभागातील/शहरातील मुख्य समस्या कोणत्या आहेत आणि त्यावर तुमचे उपाय काय असतील?
पक्ष संघटन आणि बांधणी
पक्ष संघटनेसाठी तुम्ही आजवर काय काम केले आहे?
नेतृत्व आणि जनसंपर्क
तुमचे जनसंपर्क कौशल्य आणि लोकांमध्ये मिसळण्याची क्षमता कशी आहे?
निवडणूक तयारीची चाचपणी सुरु असताना पक्ष उमेदवारांना उमेदवारी देताना, इच्छुकाच्या निवडून येण्याच्या क्षमतेवर आणि स्थानिक राजकारणावरील संघटन कौशल्याकडे अधिक लक्ष केंद्रीत करते. उमेदवाराकडे पालिकेच्या कामकाजाचे ज्ञान, आर्थिक आकडेवारीची माहिती आणि सामाजिक बांधिलकी आहे की नाही, हे या मुलाखतीतून तपासले जाते. त्यामुळे अशा मुलाखतींमुळे पक्षाला योग्य, सक्षम आणि लोकाभिमुख उमेदवार निवडण्यास मदत मिळते.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.