Bihar Election : आगामी बिहार विधानसभा निवडणुकीत आता महाराष्ट्रातील सत्ताधारी पक्ष आणि महायुतीतील घटक पक्ष असलेल्या राष्ट्रवादी काँग्रेसनेही उडी घेतली आहे. बिहारमधील 15 विधानसभा मतदारसंघांमध्ये आपले अधिकृत उमेदवार उभे केले आहेत. राष्ट्रवादी काँग्रेसचे राष्ट्रीय सरचिटणीस ब्रिजमोहन श्रीवास्तव यांनी सकाळशी बोलताना याबाबत महत्त्वाची माहिती दिली.
राष्ट्रवादी काँग्रेसची बऱ्याच राज्यांमध्ये कमी-जास्त फरकाने चांगली ताकद होती. झारखंड, गोवा, गुजरात, केरळ, नागालँड, मेघालय या राज्यांमधून पक्षाचे आमदार आणि खासदार निवडून आले होते. तारीक अन्वर यांच्यारुपाने राष्ट्रवादीची बिहारमध्येही ताकद होती. त्याच जोरावर राष्ट्रवादीला राष्ट्रीय पक्षाचा दर्जा मिळाला होता.
पण राष्ट्रवादी काँग्रेसची दोन शकले झाल्यानंतर पक्षाने राष्ट्रीय पक्षाचा दर्जा गमावला आहे. यापूर्वी नागालँडमधील राष्ट्रवादीच्या 7 आमदारांनी भाजपमध्ये प्रवेश केला आहे. त्यामुळे उपमुख्यमंत्री अजित पवार यांच्या नेतृत्वातील राष्ट्रवादी काँग्रेस राष्ट्रीय पक्षाचा दर्जा मिळविण्यासाठी धडपडत आहे. बिहारसारख्या राजकीयदृष्ट्या महत्त्वाच्या राज्यामध्ये याच उद्देशाने निवडणूक लढविली जात असल्याची माहिती आहे.
१) हरीलाल पासवान (राजनगर)
२) डॉ. राशिद अझीम (नरकटियागंज)
३) जयप्रकाश कुशवाह (नौतन)
४) अमित कुमार कुशवाह (पिंपरा)
५) सैफ अली खान (मनिहारी)
६) विपिन कुमार पटेल (परसा)
७) धर्मवीर महातो (सोनेपूर)
८) अखिलेश कुमार ठाकूर (महुआ)
९) अनिल कुमार सिंह (राघोपुर)
१०) विकास कुमार (बाखरी)
११) अनिल सिंह (अमरपूर)
१२) आदिल आफताब खान (पाटणा साहीब)
१३) डॉ. भारती अनुराधा (मोहनिया)
१४) आशुतोष कुमार सिंह (सासाराम)
१५) मनोजकुमार सिंह (दिनोरा)
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.