Pradeep Majhi : जातीबाहेर लग्न करणाऱ्या माजी खासदारावर 12 वर्षांचा बहिष्कार

Pradeep Majhi News : नवरंगपूरचे माजी खासदार आणि बिजू जनता दलाचे (बीजेडी) नेते प्रदीप माझी यांना 12 वर्षांसाठी त्यांच्या जातीतून बाहेर काढण्यात आले आहे. प्रदीप यांनी त्यांची जात सोडून दुसऱ्या जातीतील मुलीशी लग्न केल्याबद्दल समाजाने त्यांच्यावर 12 वर्षांचा बहिष्कार टाकला आहे.

धामनागुडा येथील आदिवासी बत्रा समाजाच्या केंद्रीय समितीच्या बैठकीत प्रदीप माझी यांच्या लग्नावर चर्चा झाली. प्रदीप माझी आणि त्यांच्या कुटुंबाला त्यांची जात सोडून दुसऱ्या जातीत लग्न केल्याबद्दल 12 वर्षांसाठी समाजातून बंदी घालण्यात आली होती. बैठकीत निर्णय घेण्यात आला की प्रदीप यांच्या घरगुती समारंभात समाजातील कोणतीही व्यक्त सहभागी होणार नाही.

प्रदीप माझी यांनी 12 मार्चला संगीता साहू यांच्यासोबत विवाह केला. आदिवासी बत्रा यांच्या केंद्रीय समितीमधील एका सदस्याकडून गंभीर आरोप करण्यात आले होते की प्रदीप यांनी त्यांची जात सोडून दुसऱ्या जातीशी लग्न केले कारण ते स्वतः समाजाचा द्वेष करतात.

बहिणीचाही आंतरजातीय विवाह

प्रदीप यांच्या बहिणीचा देखील आंतरजातीय विवाह केला आहे. प्रदीप यांची बहिणीचे लग्न जगन्नाथ मंदिरात ब्राह्मण कुटुंबात झाले. या आंतरजातीय विवाहविषयी देखील आदिवासी समाजामध्ये नाराजी व्यक्त केली गेले. समाजातून बहिष्कार टाकल्याच्या निर्णयावर अजून प्रदीप माझी यांनी कोणतीही प्रतिक्रिया दिली नाही.