India Vs Pakistan : अरबी समुद्रात पुढील दोन दिवस टेन्शनचे; भारत-पाकिस्तानचे नौदल एकाचवेळी ताकद दाखविणार
India-Pakistan Maritime Relations : पहलगाम दहशतवादी हल्ला अन् त्यानंतर ऑपरेशन सिंदूरनंतर भारत आणि पाकिस्तानमधील वाढलेल्या संघर्षाची स्थिती जैसे थे आहे. शस्त्रसंधीनंतर पाकिस्ताने पुन्हा भारताची खोड काढण्याची हिंमत दाखवली नाही. त्यांच्या नेत्यांनीही आता भारताविरोधात गरळ ओकणे बंद केले आहे. पण असे असले तरी अजूनही भारताचे ऑपरेशन सिंदूर सुरूच आहे. त्यातच एक मोठी बातमी समोर आली आहे.
ऑपरेशन सिंदूरनंतर दोन्ही देशांमधील तणाव वाढला होता. भारतीय हवाई दल आणि लष्कराने पाकिस्तानला पाणी पाजले होते. पण नौदलाला त्यावेळी पाकिस्तानला प्रत्युत्तर देण्याची संधी मिळाली नव्हती. काही तासांतच पाकिस्ताने गुडघे टेकले होते. पण आता भारतीय नौदल आपली ताकद दाखविणार आहे.
अरबी समुद्रामध्ये नौदालाच्या हालचाली वाढल्या आहेत. भारत आणि पाकिस्तानेच नौदल एकाचवेळी युध्द सराव करणार आहे. त्यासाठी दोन्ही देशांच्या नौदलाने वॉर्निंग जारी केली आहे. फायरिंग ड्रीलच्या वेळा निश्चित करण्यात आल्या असून या काळात त्या भागापासून दूर राहण्यासाठी वॉर्निंग देण्यात आली आहे.
दोन्ही देशांचे नौदल आपआपल्या समुद्री क्षेत्रामध्ये हा सराव करणार आहेत. भारताकडून पुढील तीन दिवस तर पाकिस्तानकडून दोन दिवस सराव केला जाणार आहे. भारतीय नौदल 11 ऑगस्टला सकाळी 11.30 ते 1.30 यावेळी ओखा किनाऱ्यालगत फायरिंग ड्रील करणार आहे. तर 12 ऑगस्टला पोरबंदर किनाऱ्यालगत रात्री 12.30 ते सायंकाळी 6.30 या वेळात फायरिंग सराव केला जाणार आहे.
भारतीय नौदलाने 13 ऑगस्टसाठीही वॉर्निंग जारी केली आहे. त्यानुसार मोरमुगाओ समुद्रकिनाऱ्यालगत रात्री दीड ते सायंकळी 6 वाजेपर्यंत ही ड्रील चालणार आहे. या काळात या भागापासून दूर राहण्याचे आवाहन करण्यात आले आहे. दुसरीकडे पुढील दोन दिवस पाकिस्तानकडूनही वॉर्निंग जारी करण्यात आली आहे.
पाकिस्तान 11 ऑगस्टला सकाली 4 वाजल्यापासून 12 ऑगस्ट रोजी सायंकाळी 4 वाजेपर्यंत म्हणजे 24 तास फायरिंगचा सराव करणार आहे. ऑपरेशन सिंदूर नंतर पहिल्यांदाच दोन्ही देशांच्या नौदलाची ताकद फायरिंग सरावाच्या निमित्ताने दिसणार आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.