Yashwant Varma Resigns : न्यायाधीश यशवंत वर्मांचा अखेर राजीनामा, 'कॅश कांड'मुळे होते चर्चेत!

Yashwant Varma News : 'कॅश कांड'मुळे चर्चेत असलेले न्यायाधीश यशवंत वर्मा यांनी अखेर आपला राजीनामा दिला आहे. अलाहाबाद उच्चन्यायालयाच्या न्यायाधीशपदाचा राजीनामा त्यांनी गुरुवारी (ता.9) राष्ट्रपतींना सादर केला. मी अत्यंत दुःखाने माझा राजीनामा देत आहे, असे त्यांनी त्यांच्या राजीनामापत्रात म्हटले आहे.

यशवंत वर्मा हे दिल्ली हायकोर्टात न्यायाधीश होते. तेव्हा 14 मार्च 2025 रोजी त्यांच्या घरी आग लागल्यानंतर अग्नीशमनच्या गाड्या आल्या होता. अग्नीशमनच्या कर्मचाऱ्यांना वर्मा यांच्या घरात मोठ्या प्रमाणात रोख रक्कम पोत्यात भरलेल्या सापडली. तसेच अर्धवट जळालेल्या नोटा देखील सापडल्या होत्या.

वर्मा यांच्या घरी रोख रक्कम सापडल्यानंतर सुप्रीम कोर्टाच्या सरन्यायाधीशांना या संदर्भात इन हाऊस एक समिती बनवली होती. या समितीने आपला अहवाल सादर करताना वर्मा यांना पदावरून हटवण्याची शिफारस केली होती. त्यानंतर दिल्ली हायकोर्टातून त्यांनी बदली अलाहाबाद हायकोर्टात करण्यात आली होती.

महाभियोगाची तयारी...

वर्मा यांच्या विरोधात महाभियोगाची तयारी संसदेत करण्यात आली होती. लोकसभेमध्ये 146 खासदारांनी महाभियोगाच्या प्रस्तावर स्वाक्षरी केली होती. त्यानंतर लोकसभा अध्यक्षांनी वर्मा यांच्या चौकशीसाठी तीन सदस्यीय समिती देखील स्थापन केली होती. मात्र, कारवाई पूर्वीच त्यांनी आपला राजीनामा दिला आहे.