Kurhani By Election Result 2022 : नितीश कुमार-तेजस्वी यादवांना भाजपचा धक्का ; गुप्ता विजयी

Kurhani By Election Result 2022 : बिहारच्या कुढनी विधानसभा पोटनिवडणुकीचा निकाल जाहीर झाला आहे. या मतदार संघात भाजप आणि जदयूमध्ये जोरदार रस्सीखेच होती.

भाजपचे उमेदवार केदार गुप्ता यांनी जेडीयूचे उमेदवार मनोज कुशवाहा यांचा ३६४५ मतांनी पराभव केला आहे. केदार गुप्ता यांनी ७६६४८ मते मिळाली आहेत.

२०२०च्या विधानसभा निवडणुकीत कुढनी विधानसभेतून जदयूचे उमेदवार अनिल सहनी यांचा विजय झाला होता. भाजपचे उमेदवार केदार गुप्ता यांचा ७०० मतांनी पराभव झाला होता.

हा मतदारसंघ मुख्यमंत्री नितीश कुमार यांच्यासाठी महत्वपूर्व मानला जात होता. या निकालामुळे मुख्यमंत्री नितीश कुमार, उपमुख्यमंत्री तेजस्वी यादव यांना मोठा धक्का समजला जातो.

त्यासाठी ही जागा राजदकडून जदयूने मागितली होती. त्यासाठी जदयूसाठी ही जागा प्रतिष्ठेची होती. जदयूच्या अनेक बड्या नेत्यांनी या मतदारसंघात प्रचार करुन ही जागा मिळविण्यासाठी कंबर कसली होती. मुकेश सहनी यांचा प्रभाव सहनी समाजात फारसा पडला नाही.