MP Politics : "300 कोटी मिळाले तरच..!" आमदाराच्या वक्तव्याने काँग्रेस अडचणीत, भाजपचंही टेन्शन वाढलं; दोन्ही पक्षातील राजकीय वातावरण तापलं

Madhya Pradesh Bina Congress MLA Political News : मध्य प्रदेशच्या राजकारणात पुन्हा एकदा राजकीय खळबळ उडाली असून याला काँग्रेसच्या महिला आमदाराचे वक्तव्य कारणीभूत ठरले आहे. येथील सागर जिल्ह्यातील बीना विधानसभा मतदारसंघाच्या आमदार निर्मला सप्रे यांच्या विधानामुळे काँग्रेसची डोकेदुखी वाढली असून भाजपचंही टेन्शन वाढलं आहे.

निर्मला सप्रे यांनी, " आपल्याला जो पक्ष 300 कोटी रुपये आणि बीना विभागाला जिल्हा बनवेल त्याला मी पाठिंबा देईल", असंही म्हटलं आहे. आता निर्मला सप्रे यांच्या या विधानामुळे दोन्ही पक्षातील राजकीय वातावरण तापलं आहे. तर निर्मला सप्रे यांच्या विधानाची सर्वत्र चर्चा रंगली आहे.

मध्य प्रदेशच्या राजकारणात पुन्हा एकदा अनेक घडामोडींनी डोकं वर काढलं असून एकाच वेळी काँग्रेस आणि भाजप दोन्ही पक्षातील अंतर्गत धुसफूस चव्हाट्यावर आली आहे. याला कारणीभूत आमदार सप्रे यांचे विधान आता ठरले आहे.

त्यांचे "300 कोटींच्या.." वक्तव्यावरून येथील राजकीय वातावरण आता गरम झाले असून भविष्यातील राजकीय हालचालींना वेग आल्याचे बोलले जात आहे. तसेच दोन्ही पक्षातील आमदारांची नाराजी, दबावाचं राजकारणही उघड होत असल्याचे राजकीय विश्लेषकांचे मत आहे.

भाजपमध्ये जाणार...

निर्मला सप्ने यांनी विधानसभा निवडणूकही काँग्रेसच्या तिकीटावर लढविली आणि जिंकलीही. पण आता त्या अनेकदा भाजप नेत्यांसोबत कार्यक्रमांमध्ये दिसत आहेत. यामुळेच मध्य प्रदेशच्या राजकारणात त्या भाजपबरोबर जातील अशा राजकीय वर्तुळात चर्चा रंगील आहे. पण अद्याप निर्मला सप्ने यांनी याबाबत कोणतीच औपचारिक घोषणा केलेली नाही. सध्या निर्मला सप्रे यांच्याविरोधात जबलपूर हायकोर्टात पक्षांतर कायद्यानुसार याचिकाही दाखल केली आहे.

निर्मला सप्रे यांच्याविरोधात जबलपूर हायकोर्टात पक्षांतर कायद्यानुसार याचिका दाखल असून त्यात त्यांच्यावर आरोप करण्यात आला आहे. त्या काँग्रेसकडून निवडून आल्या असतानाही पक्षाशी फारकत घेत भाजपचं समर्थन केलं आहे. सध्या हे प्रकरण न्यायप्रविष्ट आहे. अशातच आता पुन्हा एकदा त्यांनी बीना विभागाला जिल्हा बनवण्याच्या जुन्या मागणीला हवा देत थेट "300 कोटींचे.." विधान केलं आहे.

FAQs :

1. निर्मला सप्रे कोण आहेत?

निर्मला सप्रे या मध्य प्रदेशातील सागर जिल्ह्यातील बीना विधानसभा मतदारसंघाच्या काँग्रेस आमदार आहेत.

2. त्यांच्या वक्तव्यामुळे वाद का निर्माण झाला?

त्यांनी “300 कोटी रुपये दिले तर पाठिंबा देईन” असे विधान केल्याने राजकीय वातावरण तापले आहे.

3. उमंग सिंघार कोण आहेत?

उमंग सिंघार हे मध्य प्रदेश काँग्रेसमधील महत्त्वाचे नेते आहेत.

4. निर्मला सप्रेंची मुख्य मागणी काय आहे?

बीना विभागाला स्वतंत्र जिल्ह्याचा दर्जा देण्याची त्यांची मागणी आहे.

5. या वक्तव्यावर राजकीय प्रतिक्रिया काय आहेत?

काँग्रेस आणि भाजप या दोन्ही पक्षांकडून या विधानावर तीव्र प्रतिक्रिया उमटत आहेत.