Political strategist Prashant Kishor : जन सुराज पार्टीचे संस्थापक प्रशांत किशोर यांनी स्टँण्डअप कॉमेडियन कुणाल कामराचे समर्थन केले आहे. त्यांनी म्हटले की, कुणाल कामरा माझे मित्र आहे. जिथपर्यंत मी त्यांना ओळखतो, त्यांचा कोणताही चुकीचा उद्देश नव्हता. जे लोक असा विचार करताय की ते राजकारण करत आहेत, तर ते असं काहीच करणार नाहीत.
प्रशांत किशोर(Prashant Kishor) यांनी पुढे म्हटले की, पॉण्डेचेरीत राहतात. ते जैविक शेती करतात. तो यासोबतच स्टॅण्डअप कॉमेडी देखील करतात. त्यांचा कोणतीही राजकीय राजकीय संघर्ष नाही. त्यांनी म्हटले की, कुणाल त्या लोकांमधून आहे जो देशावर प्रेम करतो. जर त्यांनी चुकीच्या शब्दांचा वापर केला असेल, तर त्यांच्यावर कायदेशीर कारवाई व्हायला हवी. परंतु मी हे सांगू शकतो की, ते देश आणि संविधानाचा सन्मान करतात.
कुणाल कामराने एका शो दरम्यान महाराष्ट्राचे उपमुख्यमंत्री एकनाथ शिंदे(Eknath Shinde) यांच्यानावाचा उल्लेख न करत वादग्रस्त विधान केलं होतं. यानंतर पोलिसांनी त्यांच्याविरोधात खटला दाखल केला. तर कुणाल कामराने हे स्पष्ट केलं आहे की, ते आपल्या वादग्रस्त टिप्पणीसाठी माफी मागणार नाहीत. त्यांनी एक्सवर एका पोस्टमध्ये म्हटले की ते माफी मागणार नाहीत.
कुणाल कामराच्या वक्तव्यामुळे महाराष्ट्रातील राजकीय वातावरण कमालीचं तापलं होतं. विशेष करून उपमुख्यमंत्री एकनाथ शिंदे यांचे समर्थक प्रचंड आक्रमक झाले होते. काही ठिकाणी कामराविरोधात तक्रारी देखील नोंदवल्या गेल्या होत्या. तर दुसऱ्या बाजूला ठाकरे गटाचे नेते प्रामुख्याने खासदार संजय राऊत(Sanjay Raut) यांनी कामराचे समर्थन केले होते. त्यामुळेच राजकीय वातावरण तापलेलं होतं.
शिवसेनेच्या युवासेना सरचिटणीस राहुल कनाल यांची एका पोस्टने राज्यात खळबळ उडवून दिली आहे. कुणाल कामराला सरकारविरोधात कंटेटचा प्रचार करण्याकरता टेरर फंडिंग झाल्याचा आरोप राहुल कनाल यांनी केलेला आहे.
(२५ वर्षे पूर्ण करणारा ई-सकाळ आता का्ॅमस्कोअरमध्ये नंबर १. डिजिटल माध्यमांच्या क्षेत्रातली नवी झेप)
(Edited by - Mayur Ratnaparkhe)
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.