New Delhi News : अमेरिकेचे राष्ट्राध्यक्ष डोनाल्ड ट्रम्प यांनी जगातील काही महत्वाच्या देशांना मोठा दणका दिला आहे. त्यांनी भारतालाही सोडलेले नाही. बुधवारी त्यांनी भारतासह अन्य काही देशांकडून आयात होणाऱ्या वस्तूंवरील आयात शुल्काबाबत (रेसिप्रोकल टॅरिफ) मोठी घोषणा केली. त्याच्या अंमलबजावणीची तारीखही त्यांनी जाहीर केली आहे. त्यामुळे भारताला मोठा झटका बसणार आहे.
ट्रम्प यांनी बुधवारी अमेरिकेच्या संसदेतील भाषणादरम्यान भारताचा दोनदा उल्लेख केला. युरोपीयन युनियन, ब्राझील, चीन, मेक्सिको आणि कॅनडाप्रमाणेच भारतही अमेरिकेवर मोठे आयात शुल्क लावते. ते योग्य नाही. भारत आपल्याला शंभर टक्के शुल्क आकारते. आता जो देश अमेरिकेवर शुल्क आकारेल, त्यांच्यावरही तेवढेच शुल्क आकारले जाईल, अशी घोषणा ट्रम्प यांनी केली.
अनेक देश आपल्याकडून खूप शुल्क आकारतात. त्यामुळे आता अमेरिकेवर शुल्क आकारणाऱ्या देशांवरही 2 एप्रिलपासून अमेरिकाही तेवढेच शुल्क आकारेल. कमीही नाही आणि जास्तही नाही, अशी घोषणा ट्रम्प यांनी केली. हे शुल्क 1 एप्रिलपासून लागू करण्याचे आमचे नियोजन होते. पण त्याला एप्रिल फूलशी जोडले जावे, अशी आमची अजिबात इच्छा नाही. म्हणून ही तारीख 2 एप्रिल केल्याचेही ट्रम्प यांनी स्पष्ट केले.
ट्रम्प यांनी आपल्या भाषणादरम्यान सांगितले की, तुम्ही अमेरिकेत तुमचे उत्पादन तयार करत नसाल तर तुम्हालाला शुल्क भरावे लागेल. काही बाबतीत मोठे शुल्क आकारले जाईल. इतर देशांनी अनेक दशके आमच्याविरोधात त्याचा वापर केला आहे. हे देश तर आम्हाला बाजारातून बाहेर ठेवण्याचा प्रयत्न करणार असतील, तर आम्ही त्यांना आपल्या बाजारापासून बाहेर ठेवू, असा कडक इशाराही ट्रम्प यांनी दिला.
दुसऱ्या देशांकडून आयात केल्या जाणाऱ्या वस्तूंवर जेव्हा एखादा देश आयात शुल्क आकारतो, तेव्हा दुसऱ्या देशाकडूनही संबंधित देशातून आलेल्या वस्तूंवर तेवढेच शुल्क आकारतो. ‘जशास तसे’ या म्हणीप्रमाणे आयात शुल्क आकारणी केली जाते. अमेरिकेनेही असाच निर्णय घेत इतर देशांना झटका देण्यास सुरूवात केली आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.