Ajit Pawar Death : अजितदादांच्या निधनाची बातमी समजताच हसन मुश्रीफ ढसाढसा रडले, 'आम्ही पोरके झालो...'

Ajit Pawar Death News : बारामतीत विमानतळावर विमानाच्या अपघात उपमुख्यमंत्री अजित पवार यांचे निधन झाले. बारामती तालुका पंचायत समिती व जिल्हा परिषदेच्या निवडणुकीच्या प्रचाराच्या सभेच्या निमित्ताने अजित पवार हे आज बारामतीत सभा घेण्यासाठी आले विमानाने बारामतीत आले होते.

अजित पवारांच्या निधनाची बातमी ऐकताच मंत्री हसन मुश्रीफ यांना दुख: अनावर झाले. मुश्रीफ यांनी आपल्या अश्रुंना मोकळी वाट करून देताना 'अतिशय शिस्तप्रिय नेता गेला. ज्यांच्या जीवावर राजकारण करत होतो... आम्ही आता पोरके झालो आहोत.', असे म्हटले.

शिवसेना उद्धव बाळासाहेब ठाकरे पक्षाचे खासदार संजय राऊत म्हणाले, 'त्यांचे व्यक्तित्व दिलखुलास, रोखठोक अन् कार्यकर्त्यांना हवेहवेसे वाटणार होते. त्यांच्या जाण्याने महाराष्ट्रावर दुख: डोंगर कोसळला आहे. त्यांच्या कामाची पद्धती, प्रशासनावरची पकड या महाराष्ट्राच्या मनात कायम राहतील.'

दिल्लीवरून शरद पवार रवाना

शरद पवार,सुप्रिया सुळे,सुनेत्रा पवार हे अर्थसंकल्पीय अधिवेशनाच्या निमित्ताने दिल्लीत आहेत. अजित पवारांच्या निधनाची बातमी समजल्यानंतर सर्व दिल्लीवरून बारामतीकडे रवाना झाले आहेत. पार्थ पवार हे देखील दिल्लीला होते.