BJP MLA threatened : भाजप आमदाराला धमकी? शालार्थ आयडी घोटाळ्याचे प्रकरण विधानसभेत गाजले

Mumbai News : भाजपचे आमदार संजय उपाध्याय यांनी अत्यंत गंभीर प्रश्न लक्षवेधीच्या माध्यमातून चर्चेला आणला. उपाध्याय यांनी संपूर्ण घटनाच सभागृहासमोर मांडली आहे. त्यांनी अत्यंत गंभीर बाब समोर आणली. रात्रीच्या शाळेत व दिवसाच्या शाळेत १५० शिक्षक कर्मचारी काम करीत होते. त्यांना पगार दिला जात होता, अशी लक्षवेधी मांडली तर सत्ताधारी आमदारांच्या घरचा पत्ता काढून दोन जणांनी धमकी दिली, ही बाब गंभीर आहे. या प्रकरणी गृहराज्यमंत्री यांनी आदेश द्यावेत, अशी मागणी उद्धव ठाकरेंच्या शिवसेनेचे आमदार वरुण सरदेसाई यांनी केली. त्यानंतर शिक्षणमंत्री दादा भुसे यांनी या संपूर्ण प्रकरणाच्या चौकशीसाठी एसआयटी समिती गठीत केली जाणार आहे. त्याशिवाय उपाध्याय यांनी मुंबई शिक्षण उपसंचालक संदीप सांगवे यांच्यावर भ्रष्टाचाराचे गंभीर आरोप केले आणि त्यांच्या विरोधात लक्षवेधी उपस्थित केली. त्यानंतर शिक्षणमंत्री दादा भुसे यांनी संदीप सांगवे यांना निलंबित केल्याची घोषणा विधानसभेत केली.

यावेळी संजय उपाध्याय यांनी लक्षवेधी मांडली. त्यामध्ये एक महाभ्रष्ट अधिकारी विभागीय उपसंचालक व महानगरपालिकेतील शिक्षणाधिकारी संदीप संगवे यांच्याबद्दल मला माहिती दिली. एवढी मुजोरी येते कशी? याचे एक उदाहरण सांगितले. संजय उपाध्याय यांचा सभागृहात प्रश्नच येऊ देणार नाही, असे चॅलेंज त्यांनी दिले होते. ठाणे जिल्ह्यातील 18 शिक्षक शालार्थ आयडीसाठी आवेदन करतात. एक वर्ष त्यांना मान्यता भेटत नाही ते हायकोर्टात अपील करतात. हायकोर्ट सांगत त्यांना शालार्थ आयडी द्या. हायकोर्टाने आदेश दिल्यानंतर हा अधिकारी त्यांना आठ महिने आदेश देत नाही. त्यानंतर 18 लोक कंटेम्पट फाइल करतात. त्यानंतर तीन लाख 30 हजाराचा दंड दिला जातो. त्यानंतर शालार्थ आयडी दिला जात असेल तर ही गोष्ट महाराष्ट्रसाठी दुर्देवाची असल्याचा आरोप त्यांनी केला.

दोन हजार पेक्षा अधिक मान्यता व शालार्थ आयडी संगवे या अधिकाऱ्यांनी दिल्या आहेत. शालार्थ आयडी कधी दिली याची चौकशी करा, शाळेकडे गेलेला मेल पहा, त्यानुसार चौकशी करा, आपल्याकडे एक व्यक्ती एक पगार घेऊ शकतो. सकाळच्या व रात्र शाळेत जाऊन दोनदा पगार घेत असल्याचे पुढे आले आहे. भरतीबंदीच्या काळात शिक्षकी मान्यता कशी दिली गेली? बालहक्क आयोगाकडून संगवे यांची चौकशी सुरु आहे? धारावीतील एका शाळेची मान्यता रद्द झाली असताना पुन्हा शाळेला त्यांनी मान्यता दिली, असा सवाल उपाध्याय यांनी केला.

उपाध्याय यांच्या प्रश्नाला उत्तर देताना शिक्षणमंत्री दादा भुसे (Dada Bhuse) म्हणाले, या संपूर्ण प्रकरणाच्या चौकशीसाठी एसआयटी समिती गठीत केली जाणार आहे. त्यामध्ये आयपीएस अधिकारी याशिवाय या क्षेत्रातील वरिष्ठ तज्ञ् नेमण्यात येणार आहे. या एसआयटी समितीच्या माध्यमातून चौकशी करण्यात येईल. या प्रकरणात कोणालाही पाठीशी घालण्याचे काहीच कारण नाही. या प्रकरणातील चौकशीतून काय पुढे येईल त्यावर तात्काळ कारवाई करण्यात येणार आहे.

प्रश्न विचारता म्हणून सत्ताधारी आमदारांच्या घरचा पत्ता काढून दोन जणांनी धमकी दिली. ही बाब गंभीर आहे. या प्रकरणी गृहराज्यमंत्री यांनी आदेश द्यावेत, अशी मागणी उद्धव ठाकरेंच्या शिवसेनेचे (Shivsena) आमदार वरुण सरदेसाई यांनी विधानसभेत केली. त्याला उत्तर देताना मंत्री भुसे म्हणाले, या प्रकरणात कोणालाही पाठीशी घालण्याचे काहीच कारण नाही. या प्रकरणाची एसआयटी समितीच्या माध्यमातून चौकशी करण्यात येईल. या प्रकरणातील चौकशीतून काय पुढे येईल त्यावर तात्काळ कारवाई करण्यात येणार आहे.

संजय उपाध्याय यांनी अत्यंत गंभीर प्रश्न लक्षवेधीच्या माध्यमातून चर्चेला आणला आहे. उपाध्याय यांनी संपूर्ण घटनाच सभागृहासमोर मांडली आहे. त्यांनी अत्यंत गंभीर बाब समोर आणली आहे. रात्रीच्या शाळेत व दिवसाच्या शाळेत 150 शिक्षक कर्मचारी काम करीत होते. त्यांनी दिवसा व रात्रीचा दोन वेळा पगार घेतला असल्याचे निदर्शनास आणले आहे. ज्या अधिकाऱ्यांनी पगार दिला आहे त्याला निलंबित करणार का? ज्या कर्मचाऱ्यांनी पगार घेतला आहे. त्यांच्या पगाराची वसुली करण्यात येणार आहे का? असा सवाल आमदार गोपीचंद पडळकर यांनी विचारला.

या प्रश्नाला उत्तर देताना दादा भुसे म्हणाले की, कोणालाही पाठीशी घालण्याचे काहीच कारण नाही. त्या चौकशीतून जो अहवाल येईल त्यानुसार कारवाई केली जाईल. त्या सॊबतच या प्रकरणातील शिक्षकाना पगार देणाऱ्या अधिकाऱ्यांला निलंबित करण्यात येईल. त्याप्रमाणे पुढची कारवाई करण्यात येणार असल्याचे मंत्री भुसे यांनी स्पष्ट केले.