अंबादास दानवे यांनी आमदार महेंद्र दळवी यांचा व्हिडिओ ट्विट केल्यानंतर महाराष्ट्राच्या राजकारणात मोठी खळबळ निर्माण झाली.
महेंद्र थोरवे यांनी गंभीर आरोप करत सांगितले की हा व्हिडिओ खासदार सुनील तटकरेंनी दानवेंना पाठवला.
सुनील तटकरे यांनी मात्र सर्व आरोप फेटाळून लावत दानवेंशी कोणताही संपर्क नसल्याचे स्पष्ट केलं.
Raigad News : ठाकरेंच्या शिवसेनेचे माजी आमदार अंबादास दानवे यांनी शिंदेंच्या शिवसेनेचे आमदार महेंद्र दळवी यांचा एक व्हिडिओ ट्वीट करत ऐन हिवाळी अधिवेशनात खळबळ उडवून दिली. या व्हिडिओमुळे आता राज्यातील राजकारण चांगलंच तापल्याचं पाहायला मिळत असून अजित पवार यांच्या राष्ट्रवादीचे प्रदेशाध्यक्ष खासदार सुनील तटकरे यांनी यावर आपली प्रतिक्रिया दिली आहे.
दानवेंना शेअर केलेल्या व्हिडिओत आमदार महेंद्र दळवी दिसत असून दुसऱ्या व्हिडिओत पैशांच्या बंडलांसोबत एक व्यक्ती दिसत आहे. यावरूनच दानवेंनी हा आमदार कोण असा सवाल उपस्थित केला होता. ज्यानंतर राज्यात एकच खळबळ उडाली होती. तर यावर प्रतिक्रिया देतना महेंद्र दळवी यांनी दानवे यांनी आता पुरावे द्यावेत अन्यथा कारवाई करू असा इशारा दिला होता. तसेच दानवेंना आव्हान देताना जर तुमचे आरोप खरे असतील तर आपण राजकारण सोडू असे म्हटले होते.
याचदरम्यान शिंदेंच्या शिवसेनेचे काही आमदार हा व्हिडिओ एआयद्वारे तयार केल्याचे सांगत होते. तोच आमदार महेंद्र थोरवे यांनी हा व्हिडिओ राष्ट्रवादी काँग्रेसचे खासदार सुनील तटकरेंनी अंबादास दानवे यांना पाठवल्याचा गंभीर आरोप केला होता. यामुळे दानवेंच्या 'कॅशबॉम्ब'चे धागेदोरे राष्ट्रवादी ते मातोश्रीपर्यंत गेल्याची चर्चा रंगली होती.
यावर आता तटकरे यांनी प्रतिक्रिया दिली असून त्यांनी, हे अत्यंत बे जबाबदार पणाचे आरोप असल्याचे म्हणत त्यांनी थोरवेंचे आरोप फेटाळले आहेत. तसेच आपल्या 40 वर्षांच्या राजकीय जीवनामध्ये अनेकांशी राजकीय संघर्ष झाला असून तो राजकीय विचारधारेवरती होता. वैचारिक मतभेद असू शकतात परंतु असला विचार कधी आपण केला नाही.
अंबादास दानवे यांनी जे काही केलं आहे, त्यात आपल्याशी काही संबंध नाही. दानवेंचा आणि आपला वर्ष- दोन वर्षात कधीही बोलणं झालेले नाही. त्यामुळे त्या व्हिडिओची सत्यता काय? त्यात काय हे ज्याने प्रसिद्ध केला आणि ज्याचा आहे त्यालाच माहित असल्याचे म्हणत तटकरेंनी आपल्याशी त्या व्हिडिओचा दुरान्वये संबंध नाही नसल्याचेही त्यांनी म्हटलं आहे.
काय म्हणाले होते थोरवे?
शिंदेंच्या शिवसेनेचे आमदार महेंद्र दळवी यांनी, तो व्हिडिओ राष्ट्रवादी काँग्रेसचे खासदार सुनील तटकरेंनी अंबादास दानवे यांना पाठवल्याचा गंभीर आरोप केला होता. तसेच आमच्या आमदारांना बदनामी करण्याचं काम ते विरोधकांना हाताशी धरून करू शकता. पूर्वीपासूनच मातोश्री आणि सुनील तटकरेंचं साठे-लोठे आहेत. त्यामुळे कदाचित हे होऊ शकत.
आताही नगरपालिकांच्या निवडणुकीमध्ये राज्यामध्येच काय तर रायगडमध्ये देखील बऱ्याचशा ठिकाणी राष्ट्रवादी आणि भाजप एकत्र होती. कर्जत मतदारसंघांमध्ये भाजप आणि शिवसेना पारंपरिक युती झाली. पण येथे राष्ट्रवादी आणि उबाठा एकत्र आली होती. त्यामुळे सुनील तटकरे कोणाशीही हात मिळवणी करू शकतात. ते काय वरच्या लेव्हला बसणारे असल्याने वरच्या लेव्हलला बोलतील. ते काय करतील ते सांगू शकत नाही, असा दावा महेंद्र दळवी यांनी केला होता.
FAQs :
1. अंबादास दानवे यांच्या व्हिडिओ ट्वीटने काय वाद निर्माण झाला?
या ट्वीटमुळे शिंदे-ठाकरे शिवसेना वाद पुन्हा पेटला आणि राजकीय आरोप-प्रत्यारोप सुरू झाले.
2. महेंद्र थोरवे यांनी कोणता आरोप केला?
त्यांनी सुनील तटकरे यांनी हा व्हिडिओ दानवेंना दिल्याचा आरोप केला.
3. सुनील तटकरे यांनी काय प्रतिक्रिया दिली?
तटकरे यांनी सर्व आरोप फेटाळून लावत “दानवेंशी कोणताही संपर्क नाही” असं म्हटलं.
4. हा वाद हिवाळी अधिवेशनात का गाजला?
व्हिडिओच्या वेळेमुळे आणि राजकीय संदर्भामुळे हा मुद्दा जोरात चर्चिला गेला.
5. या प्रकरणामुळे कोणत्या पक्षांमध्ये तणाव वाढला?
शिंदे गट, ठाकरे गट आणि राष्ट्रवादी (अजित पवार गट) यांच्यात पुन्हा तणाव वाढला.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.