Bhaskar Jadhav News : शिवसेना उद्धव बाळासाहेब ठाकरे पक्षाचे आमदार भास्कर जाधव यांना एकनाथ शिंदेंच्या शिवसेनेने त्यांच्या गुहागर मतदारसंघात घेरले आहे. भास्कर जाधवांना धक्का देत जिल्हा परिषदेच्या माजी सदस्या नेत्रा ठाकूर, माजी सभापती विलास वाघे, माजी सभापती दत्ताराम निकम यांनी एकनाथ शिंदेंच्या शिवसेनेत प्रवेश केला.
उपमुख्यमंत्री एकनाथ शिंदे, उद्योग मंत्री तथा रत्नागिरी जिल्ह्याचे पालकमंत्री उदय सामंत, रोजगार हमी मंत्री भरत गोगावले, माजी आमदार संजय कदम यांच्या उपस्थितीमध्ये हे पक्षप्रवेश झाले. शिंदेंच्या शिवसेनेत इन्कमिंग वाढल्याने भास्कर जाधवांचे टेन्शन वाढले आहे.
एकनाथ शिंदे म्हणाले, कोकणात महायुतीचे 15 पैकी 14 आमदार आहेत. पुढील वेळी 15 पैकी 15 आमदार हे महायुतीचे असणार आहेत. कोकणात आता विकासाची गंगा आणण्याचे काम राज्यातील महायुती सरकार करत असून त्यात आपल्या सर्वांना सहभागी व्हायचे आहे असल्याचे याप्रसंगी नमूद केले.
शिंदे म्हणाले, 'कोकणातील विकासाचा बॅकलॉग भरून काढण्याचा आम्ही प्रयत्न करत आहोत. तरुणांना रोजगार, मच्छीमारांना उद्योगाचा दर्जा दिला असून त्यांचे इतर प्रश्नही नक्की सोडवू. आज तुम्ही मूळ शिवसेनेत स्वगृही आले आहात, त्यामुळे तुमच्या समस्या या माझ्या समस्या समजून त्या सोडवण्यासाठी नक्की प्रयत्न करेन. आमचा अजेंडा हा विकासाचा अजेंडा असून कोकणातील सर्वसामान्य माणसाच्या विकासासाठी, कोकणाच्या विकासासाठी काम करणार आहे.'
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.