Local Body Elections : दादांच्या राष्ट्रवादीची डोकेदुखी वाढणार; आमदार निकमांचीही कसरत होणार; धामापूर गटात रस्सीखेच

Ratnagiri News : माखजन विभागात आगामी जिल्हा परिषद आणि पंचायत समिती निवडणुकीसाठी जोरदार तयारी पाहायला मिळत आहे. या मतदार संघात सध्या राष्ट्रवादीत इच्छुकांची भाऊगर्दी झाली असून रस्सीखेच पाहायला मिळत आहे. येथे राष्ट्रवादीत इच्छुकांची संख्या तब्बल 20 वर गेली आहे. यामुळे उमेदवारी देताना राष्ट्रवादीची डोकेदुखी वाढणार असून एकमेव असणारे आमदार शेखर निकम यांना तारेवरची कसरत करावी लागणार आहे.

आगामी स्थानिकचा बिगुल वाजला असून राजकीय पक्षांनी मोर्चे बांधणी सुरू केली आहे. सध्या दिवाळी असून राजकीय नेत्यांसह इच्छुक सणासुदीत व्यस्त आहेत. पण याच दिवाळीत आपल्या नेत्यांसह मतदारापर्यंत पोचण्यासाठी इच्छुक उमेदवार प्रयत्न करत आहेत. तर नेते मंडळी बैठका घेवून कोणाची किती ताकद आहे याचा आढावा घेताना दिसत आहेत.

असाच आढावा आमदार शेखर निकम यांनी आगामी जिल्हा परिषद आणि पंचायत समिती निवडणुकीसाठी माखजन विभागात घेतला. यावेळी राष्ट्रवादी काँग्रेस तालुकाध्यक्ष राजेंद्र पोमेंडकर उपस्थित होते. यावेळी तालुकाध्यक्ष राजेंद्र पोमेंडकर यांनी मागील निवडणुकीचा आढावा घेतला. या बैठकीत प्रचार संयोजन समितीचे गठण करण्यात आले. तसेच राष्ट्रवादी काँग्रेस महायुतीचा उमेदवार निवडून आणण्याचा निर्धार करत असल्याचेही जाहीर पणे सांगण्यात आले.

दरम्यान, आपण पक्ष देईल त्या उमेदवाराला निवडून आणू असे सर्व कार्यकत्यांनी सांगितले. तसेच आमदार शेखर निकम जो उमेदवार ठरवतील तो उमेदवार मान्य असेल असे सर्व इच्छुकांनी एकस्वराने सांगितले.

हे आहेत इच्छूक

धामापूर गणातून तेजल चव्हाण, तुकाराम मेस्त्री, सुप्रिया सुर्वे, गजानन सुर्वे, अक्षय चव्हाण, अंकिता चव्हाण, रूपेश गोताड, उमेश महाडिक, शेखर उकार्डे, सुबोध चव्हाण, रमेश बाचिम, लवू सुर्वे. आरवली गणातून धनश्री मेणे, प्रिया सुवरे, शैहनाज कापडी इच्छुक आहेत.

तर धामापूर जि. प. गटातून पंचायत समिती माजी सदस्य जाकीर शेकासन, सुशील भायजे, तेजल चव्हाण, गजानन सुर्वे आणि कृष्णा मेणे असे 20 जण निवडणूक लढविण्यास इच्छुक असल्याने ही सर्व नावे पार्लेमेंटरी बोर्डाकडे पाठविण्यात येतील, असे राजेंद्र पोमेंडकर यांनी सांगितले.

FAQs :

1️⃣ धामापूर गटातील उमेदवारांची संख्या किती आहे?
या गटात राष्ट्रवादी काँग्रेसचे २० हून अधिक इच्छुक उमेदवार असल्याचे समजते.

2️⃣ उमेदवार निवडीत आमदार शेखर निकम यांची भूमिका काय आहे?
तेच उमेदवारीसाठी अंतिम निर्णय घेणार असून त्यांच्यासमोर अनेक पर्याय आहेत.

3️⃣ धामापूर गटात राष्ट्रवादी काँग्रेसची स्थिती कशी आहे?
या गटात अजित पवार यांच्या गटाचा प्रभाव वाढत असून अनेक कार्यकर्ते सक्रिय झाले आहेत.

4️⃣ या निवडणुकीत प्रमुख प्रतिस्पर्धी पक्ष कोणते असतील?
भाजप, शिंदे गटाची शिवसेना आणि राष्ट्रवादी काँग्रेस (अजित पवार गट) यांच्यात मुख्य स्पर्धा होणार आहे.

5️⃣ या गटाचा निकाल राजकीय समीकरणांवर कसा परिणाम करेल?
धामापूर गटातील निकाल राष्ट्रवादी काँग्रेसच्या संघटनात्मक बळाचे निदर्शक ठरेल आणि जिल्हा पातळीवर परिणामकारक ठरू शकतो.