मंत्री भरत गोगावले यांचा एक नवीन व्हिडिओ व्हायरल झाल्यानंतर शिंदे गटाला रोख रकमेशी संबंधित दुसऱ्या मोठ्या वादाला तोंड द्यावे लागत आहे.
राज्याच्या प्रवक्त्या चित्रलेखा पाटील यांनी गंभीर गैरव्यवहाराचा आरोप करत सीबीआय, ईडी आणि लाचलुचपत प्रतिबंधक विभागाची चौकशी करण्याची मागणी केली आहे.
मंत्री गोगावले यांनी सर्व आरोप फेटाळून लावले आहेत आणि ते कोणत्याही प्रकारच्या चौकशीला तयार असल्याचे म्हटले आहे.
Raigad News : शिंदेंच्या शिवसेनेचे आमदार महेंद्र दळवी त्यांच्यावर ठाकरेंच्या शिवसेनेचे नेते माजी आमदार अंबादास दानवे यांनी आरोप करत 'कॅशबॉम्ब' टाकला होता. यामुळे ऐन अधिवेशनात खळबळ उडाली होती. यानंतर आता आरोप-प्रत्यारोप सुरू झाले असतानाच शेकापनं देखील शिवसेनेचे मंत्री भरत गोगावलेंविरोधात'कॅशबॉम्ब'टाकूण खळबळ उडवून दिली आहे. यावरून आता राजकीय वातावरण आणखी तापण्याची शक्यता आहे.
एकीकडे राज्याच्या विधीमंडळाचे अधिवेशन विविध कारणांनी गाजत असतानाच शिंदेंच्या शिवसेनेचे आमदार महेंद्र दळवी यांच्यावर कॅशबॉम्ब टाकत ठाकरेंच्या शिवसेनेचे नेते माजी आमदार अंबादास दानवे यांनी खळबळ उडवून दिली होती. यावरून अजित पवार यांच्या राष्ट्रवादीचे प्रदेशाध्यक्ष सुनील तटकरे यांना लक्ष करण्याचे काम आमदार महेंद्र थोरवे यांनी केले होते. तर दानवे यांनी शेअर केलेला व्हिडीओ मॉर्फ असल्याचा दावा दळवी यांनी केला होता. तसेच दळवी यांनी, दानवेंनी नोटांची गड्डी दाखवणाऱ्या व्यक्तीचा फोटो मॉर्फ करून पक्षाची बदनामी करण्याचा प्रयत्न केल्याचा आरोप देखील केला.
त्यांनी या संदर्भात, अंबादास दानवे यांना खुले आव्हान देत, या आरोपांचे कोणतेही खरे पुरावे असतील तर ते जनतेसमोर सादर आणावेत. या आरोपांमध्ये अंशतः सत्यता जरी आढळली तरी आपण आपल्या आमदारकीचा राजीनामा देण्यास तयार असल्याचे म्हणत दानवे ब्लॅकमेल करत असल्याचा दावा केला होता. याप्रकरणामुळे राज्याच्या राजकारणात खळबळ उडाली असतानाच शिवसेनेचे मंत्री भरत गोगावले यांचा नोटांच्या बंडलासोबतचा व्हिडीओ समोर आला आहे. शेतकरी कामगार पक्षाच्या प्रवक्त्या चित्रलेखा पाटील यांनी हा व्हिडीओ दाखवत गंभीर आरोप केले आहेत.
एकापोठापाठ दुसऱ्यांदा शिंदेंच्या आमदारांविरोधात अशा पद्धतीने 'कॅशबॉम्ब'पडताना दिसत आहेत. यामुळे आता ऐन अधिवेशनाच्या काळात शिंदेंच्या शिवसेनेच्या अडचणीत भर पडल्याचे दिसून येत आहे. शेतकरी कामगार पक्षाच्या राज्य प्रवक्त्या चित्रलेखा पाटील यांनी शिवसेनेचे मंत्री भरत गोगावले यांचा नोटांच्या बंडलासोबतचा व्हिडीओ समोर आणत थेट गंभीर आरोप केलेत. यावेळी चित्रलेखा पाटील यांनी केंद्र आणि राज्य शासनाने सीबीआय, ईडी आणि अँटी करप्शन ब्युरोकडून या प्रकरणाची सखोल चौकशी करावी, अशी मागणी केली आहे. त्यांनी गोगावलेंसह दळवी यांच्यावर गंभीर आरोप केले आहेत.
दळवी सर्वाधिक गुन्हे असलेले आमदार असून गेल्या वेळी त्यांच्या पत्नीचा व्हिडीओ व्हायरल झाला होता. त्यांना '50 खोके’वाला आमदार म्हटलं तर कॅशबॉम्ब वाल्यांची बायको माझ्यावर धावत आली. आता त्यांच्या पतीचा व्हिडीओ व्हायरल झाला असं चित्रलेखा पाटील म्हणाल्या. या सर्व प्रकारानंतर आता मंत्री भरत गोगावले यांनी प्रतिक्रिया देताना सर्व आरोप फेटाळून लावले आहेत. तसेच त्यांनी या प्रकरणाची चौकशी करण्याची मागणी केली असून कोणत्याही चौकशीला सामोरे जाण्याची तयारी असल्याचे म्हटले आहे. तर
विरोधकाकडून केवळ आरोप करून नाहक बदनामी केली जात असल्याचे आरोप देखील त्यांनी केला आहे. तर आता या प्रकारावरून अशा एखाद्या दुसऱ्याला चेकमेट दिल्याशिवाय दुसरा पर्याय नसल्याचे म्हणत वा रे वा जरा तुम्ही पण ते व्यवस्थित चेक करा असा सल्ला प्रसार माध्यमांना दिला आहे.
तर आपण फक्त नावानेच सेठ असून आमच्याकडे तसे काही नाही. चाळीस वर्षाच्या राजकारणात पंचायत समितीचा अध्यक्ष, सदस्य, दोन वेळा जिल्हा परिषदेवर पत्नी सदस्य, चार वेळा आमदार आणि आता मंत्री आहे. यादरम्यान आपल्यावर आरोपाचा एखादा तरी ओरखडा त्यांनी आपल्यावर दाखवावा. कारण सध्या विरोधकांकडे सध्या काहीच नसल्यानेच ते असे आरोप करत आहेत. आता तर शेतकरी कामगार पक्ष हा जिल्ह्यातून हद्दपार होत चाललेला पक्ष आहे. यातूनच असे आरोप होत असल्याचेही भरत गोगावले यांनी म्हटलं आहे.
FAQs :
1. कॅशबॉम्ब प्रकरणात नेमकं काय घडलं?
शिंदे गटाचे मंत्री भरत गोगावले यांचा नोटांच्या बंडलासोबतचा व्हिडिओ समोर आला आणि वाद निर्माण झाला.
2. आरोप कोणाकडून करण्यात आले?
शेतकरी कामगार पक्षाच्या प्रवक्त्या चित्रलेखा पाटील यांनी गंभीर आरोप केले.
3. त्यांनी कोणती मागणी केली?
या प्रकरणाची CBI, ED आणि ACB मार्फत सखोल चौकशी करावी, अशी त्यांची मागणी आहे.
4. भरत गोगावले यांनी काय प्रतिक्रिया दिली?
त्यांनी सर्व आरोप फेटाळले आणि आवश्यक असल्यास कोणत्याही चौकशीला सामोरे जाईल असे सांगितले.
5. हे प्रकरण का चर्चेत आहे?
हे शिंदे गटावर पडलेलं दुसरं कॅशबॉम्ब असून राजकीय वातावरण आणखी तापले आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.