Lakdi Bahin Yojana : लाडकी बहीण योजनेचे निकष डावलून लाभ घेणाऱ्या 14 हजार 298 पुरुषांना आणि 2 हजार 289 सरकारी नोकरदार महिलांना सरकार धक्का देण्याच्या तयारीत आहे. या पुरुषांकडून आणि महिलांकडून लाभाची रक्कम वसूल करण्याचा विचार सुरु असल्याची माहिती वरिष्ठ अधिकाऱ्यांनी दिली आहे.
लाडकी बहीण योजनेचे निकष डावलून तब्बल 14 हजार 298 पुरुषांनी लाभ घेतल्याची माहिती गत आठवड्यात समोर आली होती. 10 महिन्यांपर्यंत या 'लाडक्या भावांनी' सरकारकडून 21 कोटी 44 लाख रुपयांचा लाभ घेतला आहे. योजनेच्या लाभार्थ्यांची छानणी करण्यात आली, त्यात हा प्रकार समोर आला होता.
याशिवाय 2 हजार 289 सरकारी नोकरदार महिलांनीही लाडकी बहीण योजनेचा लाभ घेतल्याचे समोर आले. 14 हजार 298 पुरुष आणि सरकारी नोकरदार महिला यांनी दरमहा 2 कोटी 49 लाख रुपयांचा लाभ घेतला आहे. आता त्यांच्याकडून लाभाची रक्कम वसूल होऊ शकते, अशी माहिती वरिष्ठ अधिकाऱ्यांनी दिली आहे.
राज्य शासनाने विधानसभा निवडणुकीपूर्वी सुरु केलेल्या मुख्यमंत्री लाडकी बहीण योजनेला चांगला प्रतिसाद मिळाला. जवळपास 2 कोटी 49 लाख महिलांनी या योजनेचे अर्ज भरले. पण निवडणूक संपल्यानंतर शासनाने पडताळणी सुरु केली. यात आतापर्यंत जवळपास 40 लाख महिला अपात्र ठरल्या आहेत.
याशिवाय नमो शेतकरी महासन्मान निधी योजनेतील 14 लाख महिला शेतकऱ्यांचा लाभ दरमहा 1 हजार रुपयांनी कमी केला आहे. कुटुंबाचे वार्षिक उत्पन्न अडीच लाखापेक्षा जास्त आहे, त्या महिलांच्या नावापुढे फायनान्शियल स्ट्रॉंग कंडिशन शेरा मारून लाभ बंद करण्यात आला आहे. याशिवाय एकाच घरातील तिसऱ्या लाभार्थी बहिणीचाही लाभ बंद झाला आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.
