Manikrao Kokate : राजीनाम्याचा फैसला जवळ येताच कोकाटेंना उपरती, चूक मान्य करत दिला 'हा' शब्द

Manikrao Kokate News : 'रमी' प्रकरणावरून माणिकराव कोकाटे हे चागंलेच अडचणीत आले आहेत. कोकाटेंच्या विधीमंडळात पत्ते खेळतानाचा व्हिडिओ व्हायरल झाल्यानंतर विरोधकांनी त्यांच्या राजीनाम्याची मागणी केली आहे. तर, अजित पवारांनी देखील माणिकराव कोकाटेंना भेटल्यानंतर चर्चा करणार असल्याचे सांगितले होते. आज कोकाटे अजित पवारांना भेटण्याची शक्यता आहे. त्यामुळे त्यांचा राजीनामा घेणार की त्यांना अभय देणार याचा फैसला आजच होण्याची शक्यता आहे.

दरम्यान, माणिकराव कोकाटे यांनी 'सकाळ'ला दिलेल्या मुलाखतीमध्ये म्हटले आहे की, 'कृषी क्षेत्र व शेतकऱ्यांचे प्रश्न हे अत्यंत संवेदनशील विषय आहेत. या क्षेत्रातील कोणत्याही प्रश्नाबद्दल अथवा समस्येबद्दल भाष्य करताना प्रत्यक्ष वा अप्रत्यक्षरीत्या शेतकऱ्यांच्या भावना दुखावल्या जाणार नाहीत, याची मी निश्चितपणे दक्षता घेईन.'

'शेतकऱ्यांच्या प्रश्नांबाबत अधिक सकारात्मक पद्धतीने त्यांच्याशी संवाद साधुन त्यांच्या प्रश्नांबाबत कृषी विभागाच्या माध्यमातून तातडीने उपाययोजना करण्याचा मी प्रयत्न करेन," असे प्रतिपादन देखील कोकाटे यांनी केले.

अजित पवार यापूर्वीच माध्यमांशी संवाद साधताना म्हणाले होते की, मी माणिकराव कोकाटेंना मागेच सांगितले होते की इजा, बिजा आणि आता तिजा होऊ देऊ नका. ते आपण रमी खेळत नसल्याचे सांगत आहेत मात्र सोमवारी मी त्यांच्याशी समोरासमोर चर्चा करेल. त्यानंतर या प्रकरणावर योग्य तो निर्णय घेईल.

खातेबद्दल होणार?

माणिकराव कोकाटेंचा राजीनाम न घेता त्यांचे खातेबद्दल होण्याची शक्यता वर्तवली जात आहे. धनंजय मुंडे यांचा आधीच राजीनामा घेतला होता त्यामुळे लगेच दुसरा राजीनामा देतला तर सरकारविषयी नकारात्मक संदेश जाईल. त्यामुळे माणिकराव कोकाटेंकडील कृषिखाते काढून घेत त्यांना दुसरे खाते दिले जाईल.