MPSC Exam : सुप्रीम कोर्टाच्या निकालानुसार राज्यातील नगरपरिषद आणि नगरपंचायतीचा निवडणुकीचा निकाल देखील 21 डिसेंबरला जाहीर होणार आहे. या दिवशी महाराष्ट्र लोकसेवा आयोगाकडून (MPSC) गट ब सेवा संयुक्त पूर्व परीक्षा घेण्यात येणार होती. या परीक्षेचे नोटीफिकेशन निघण्याची वाट विद्यार्थी पाहात होते. मात्र, निवडणुकीचा निकाल 21 डिसेंबरला घोषित होत असल्याने एमपीएससीकडून परीक्षेच्या तारखेत बदल करण्यात आला आहे.
आता गट ब संयुक्त पूर्व परीक्षा 4 जानेवारीला होणार आहे. तर, गट क पूर्व परीक्षा 12 जानेवारीला होणार आहे. परीक्षा आणि निवडणूक निकाल एकाच दिवशी शक्य आहे का? या विषयी एमपीएसीने जिल्हाधिकाऱ्यांकडून माहिती मागवली होती. त्यानंतर परीक्षा चार जानेवारीला घेण्याचा निर्णय घेण्यात आला.
एमपीएससीने जिल्हाधिकाऱ्यांकडे 21 डिसेंबरला परीक्षा घेण्यासंदर्भात मागवलेल्या माहितीमध्ये त्यांना कळवण्यात आले की, काही जिल्हा केंद्रावरील परीक्षा उपकेंद्र व मतमोजणीचे ठिकाण यामधील कमी अंतर, लाऊडस्पीकरचा आवाज, वाहतूक कोंडी, परीक्षेदरम्यान निघणाऱ्या विजयी उमेदवारांच्या मिरवणुका यामुळे परीक्षेस अडथळा निर्माण होण्याचा धोका आहे.
मराठवाड्याला यंदा पावसाचा मोठा फटका बसला. २८ सप्टेंबरला राज्य सेवा नागरी राजपत्रिक पूर्व परीक्षा होणार होती. मात्र, पूरपरिस्थिती आणि अतिवृष्टीमुळे ही परीक्षा पुढे ढकलण्यात आली होती. ती परीक्षा ९ नोव्हेंबर रोजी घेण्यात आली.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.