Mumbai News: राज्य निवडणूक आयोगानं 3 नोव्हेंबरपर्यंत अंतिम आरक्षण प्रसिद्ध करण्याच्या सूचना जिल्हा परिषदांना दिल्या आहेत. राज्यातील 32 जिल्हा परिषद व 336 पंचायत समितीचा आरक्षण कार्यक्रम जाहीर करण्यासंदर्भात पत्रही आयोगानं प्रसिध्द केले आहे.आता राज्यातील नगरपरिषदांच्या नगराध्यक्षपदांच्या पदासाठीचं आरक्षणाबाबत मोठी अपडेट समोर आली आहे.
राज्यातील 32 जिल्हा परिषदा (ZP) व त्यांतर्गतच्या 336 पंचायत समितीच्या सार्वत्रिक निवडणुकांकरिता सदस्यपदांचे आरक्षण निश्चित करण्यासाठी 13 ऑक्टोबर 2025 रोजी आरक्षण सोडत काढण्यात येणार असल्याची घोषणाही आयोगानं केली आहे. याचदरम्यान,आता नगरपरिषदांच्या नगराध्यक्षपदांचंही आरक्षण सोमवारी (ता.6 ऑक्टोबर) जाहीर होणार आहे.
गेल्या सुमारे चार वर्षांपासून रखडलेल्या स्थानिक स्वराज्य संस्थांच्या निवडणुका दिवाळीनंतर होण्याची शक्यता आहे. राज्य सरकार आणि निवडणूक आयोगाकडून स्थानिकच्या निवडणुकीची तयारी पूर्ण करण्यासाठी आवश्यक ती पावले उचलली जात आहेत. याचदरम्यान, राज्यातील नगरपरिषदांच्या नगराध्यक्षपदांचं आरक्षणाची सोडत सोमवारी मंत्रालयात काढली जाणार आहे.
नगरपरिषदांच्या नगराध्यक्षपदांचं आरक्षणाची सोडतीवेळी राष्ट्रीय आणि राज्यातील मान्यताप्राप्त राजकीय पक्षांच्या प्रतिनिधींना उपस्थित राहण्यासंदर्भात पत्र देण्यात आल्याची माहिती समोर येत आहेत. नगरपरिषद,नगरपंचायतींची प्रारुप मतदारयादी 8 ऑक्टोबरला प्रसिद्ध होणार आहे.
संबंधित जिल्हाधिकारी (Collector) 10 ऑक्टोबर 2025 रोजी वृत्तपत्रात आरक्षण सोडतीसंदर्भातील सूचना प्रसिद्ध करणार आहे. यानंतर 13 ऑक्टोबर 2025 रोजी सोडत काढल्यानंतर प्रारूप आरक्षणाची अधिसूचना प्रसिद्ध केली जाणार आहे. त्यावर 14 ते 17 ऑक्टोबर 2025 या दरम्यान, हरकती व सूचना दाखल करता येणार आहे. प्राप्त हरकती व सूचनांचा विचार करून 3 नोव्हेंबर 2025 रोजी शासन राजपत्रात अंतिम आरक्षण प्रसिद्ध करण्यात येणार आहे.
राज्यातील 32 जिल्हा परिषदा व त्यांतर्गतच्या 336 पंचायत समितीच्या सार्वत्रिक निवडणुकांकरिता सदस्यपदाचे आरक्षण निश्चित करण्यासाठी 13 ऑक्टोबर 2025 रोजी आरक्षण सोडत काढण्यात येणार आहे, याबाबतची घोषणा निवडणूक आयोगानं केली आहे. यावर 13 ऑक्टोबर 2025 पर्यंत हरकती आणि सूचना दाखल करता येतील. प्रभागनिहाय अंतिम मतदारयादी 28 ऑक्टोबर 2025 रोजी जाहीर केली जाणार आहे.
राज्य निवडणूक आयोगाकडून 1 जुलै 2025 हा अधिसूचित दिनांक निश्चित केला आहे. याचदिवशी अस्तित्वात असलेली विधानसभा निवडणुकीची मतदारयादी या निवडणुकांसाठी वापरण्यात येणार आहे. प्रभागनिहाय मतदार याद्या तयार करताना विधानसभा मतदारसंघाच्या यादीप्रमाणेच मतदार याद्यांमध्ये मतदारांची नावे व पत्ते कायम ठेवण्यात येतात.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.