Solapur, 15 January : सोलापूर महापालिकेत भारतीय जनता पक्ष स्वबळावर सत्ता स्थापन करेल, असा अंदाज साम टीव्हीच्या मतदानोत्तर कल चाचणीतून पुढे आले आहे. भाजप हा सर्वाधिक ६२ जागा जिंकेल, तर एकनाथ शिंदे यांच्या नेतृत्वाखालील शिवसेना ही १५ जागा जिंकून दुसऱ्या स्थानी राहील, असा अंदाज या एक्झिट पोलमध्ये वर्तविण्यात आला आहे.
सोलापूर (Solapur) महापालिकेच्या १०२ जागांसाठी आज चुरशीने सुमारे ५० टक्क्यांपेक्षा जास्त मतदान झाले. महापालिकेच्या १०२ जागांसाठी ५६४ एवढे उमेदवार रिंगणात होते. त्यांचे भवितव्य ईव्हीएम यंत्रात बंदिस्त झाले आहेत. उद्या होणाऱ्या मतमोजणीकडे सर्वांचे लक्ष लागले आहे. पण मतदानानंतर जाहीर झालेल्या एक्झिट पोलमध्ये सोलापुरात भाजपची सत्ता येणार असल्याचे स्पष्ट झाले आहे.
साम टीव्हीच्या एक्झिट पोलनुसार सोलापुरात भारतीय जनता पक्ष (BJP) सर्वाधिक जागा जिंकून सत्ता स्थापन करणार असल्याचे स्पष्ट झाले आहे. भाजप सर्वाधिक ६२ जागा जिंकणार असल्याचा दावा करण्यात आलेला आहे. त्यामुळे सोलापुरात पुन्हा एकदा भाजपची सत्ता येणार असल्याचे स्पष्ट झाले आहे.
सोलापूर महापालिकेत सत्ता स्थापनेसाठी ५१ नगरसेवकांची गरज असताना भाजप ६२ जागा जिंकणार असल्याचे एक्झिट पोलमध्ये दाखविण्यात आले आहे. मागील निवडणुकीत भाजपने ४९ जागा जिंकलेल्या होत्या. त्यामुळे भाजप हा या निवडणुकीत प्लसमध्ये असणार असल्याचे या पोलमध्ये म्हटले आहे.
भाजपपाठोपाठ उपमुख्यमंत्री एकनाथ शिंदे यांच्या नेतृत्वाखालील शिवसेनेने ताकद दाखवली आहे. शिंदे सेना ही १५ जागा जिंकणार असल्याचे या एक्झिट पोलमध्ये नमूद करण्यात आले आहे. यात कुठल्या जागा जिंकणार, यालाही महत्व सोलापूर जिल्हाप्रमुख अमोल शिंदे यांनी शिवसेनेचा किल्ला एकहाती लढवला होती.
उपमुख्यमंत्री अजित पवार यांच्या राष्ट्रवादीची निवडणुकीपूर्वी हवा झाली होती. मात्र, तो पोकळ ठरल्याचे या एक्झिट पोलनुसार स्पष्ट झाले आहे. मात्र, मागील नगरसेवकांचा आकडा राष्ट्रवादी काँग्रेसने राखल्याचे दिसून येत आहे. राष्ट्रवादी पुन्हा चार जागा जिंकणार असल्याचे स्पष्ट झाले आहे.
सर्वाधिक दुर्बल पक्ष म्हणून चर्चिला गेलेल्या काँग्रेसने मात्र चांगली कामगिरी केल्याचे दिसून येते. साम टीव्हीच्या पोलनुसार काँग्रेसला १२ जागा दाखविण्यात आलेल्या आहेत. त्यानंतर शिवसेना उद्धव बाळासाहेब ठाकरे पक्ष ०२, तर राष्ट्रवादी काँग्रेस शरदचंद्र पवार पक्षाला एक, एमआयएमला तीन, इतरांना ०४ जागा मिळण्याचा अंदाज सामच्या एक्झिट पोलमध्ये म्हटले आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.