Solapur, 10 January : महापालिका निवडणुकीच्या निमित्ताने मुख्यमंत्री देवेंद्र फडणवीस यांची आज (ता. 10 जानेवारी) सोलापुरात सभा झाली. ऐन निवडणुकीच्या धामधुमीत सिद्धरामेश्वरांची यात्रा असून यात्रेच्या दुसऱ्याच दिवशी महापालिकेसाठी मतदान आहे. तीच संधी साधून मुख्यमंत्री फडणवीस यांनी सोलापूरची अस्मिता असलेली बाराबंदी घालून सभेला संबोधित केले, त्यामुळे फडणवीसांनी महापालिकेच्या निवडणुकीचे टायमिंग साधत सोलापूरच्या अस्मितेला हात घालत मतदारांना भाजपकडे आकृष्ट करण्याचा प्रयत्न केला.
भाजप उमेदवारांच्या प्रचारार्थ मुख्यमंत्री देवेंद्र फडणवीस (Devendra Fadnavis) यांची आज दुपारी सोलापुरात सभा झाली. सभास्थळी येण्यापूर्वी मुख्यमंत्री फडणवीस यांनी सिद्धरामेश्वरांचे दर्शन घेतले. या वेळी त्यांच्यासोबत पालकमंत्री जयकुमार गोरे, आमदार समाधान आवताडे, सिद्धेश्वर देवस्थान पंच कमिटीचे अध्यक्ष धर्मराज काडादी, माजी आमदार प्रशांत परिचारक व इतर मान्यवर उपस्थित होते.
सोलापूर (Solapur) महापालिकेसाठी येत्या 15 जानेवारी रोजी मतदान होत आहे. तत्पूर्वी सिद्धरामेश्वराची यात्रा ही 14 जानेवारी आहे. त्या पार्श्वभूमीवर महापालिका निवडणुका होत असल्याने सोलापुरात प्रचारासाठी आलेले मुख्यमंत्री फडणवीस यांनी टायमिंंग साधत थेट सिद्धरामेश्वराचे मंदिर गाठून दर्शन घेतले.
सिद्धरामेश्वरांची यात्रा आणि महापालिका मतदान याचा मेळ घालत मुख्यमंत्री फडणवीस यांनी व्यासपीठावर थेट बाराबंदी घालूनच प्रवेश केला. संपूर्ण भाषण त्यांनी बाराबंदी घालूनच केले. सिद्धरामेश्वरांच्या यात्रेतील बाराबंदी ही सोलापूरची अस्मिता असून त्या अस्मितेचा आदर करत फडणवीसांनी सोलापूरकरांना भाजपला मतदान केले.
विजयकुमार देशमुखांची भूमिका
दरम्यान, मुख्यमंत्री देवेंद्र फडणवीस यांच्यासोबत सिद्धरामेश्वराच्या दर्शनासाठी जाण्याचे आमदार विजयकुमार देशमुख यांनी टाळले. कारण देशमुख आणि धर्मराज काडादी यांच्यातील राजकीय सख्य संपूर्ण सोलापूरकर जाणून आहेत.
पालकमंत्री जयकुमार गोरे, आमदार सचिन कल्याणशेट्टी, देवेंद्र कोठे यांनी काडादी यांची गंगा निवासस्थानी जाऊन भेट घेतली होती. त्या भेटीत काडादींनी महापालिका निवडणुकीत भाजपसोबत राहण्याचा शब्द दिला आहे, त्यामुळे देशमुख यांच्या भूमिकेकडे सर्वांचे लक्ष होते. मुख्यमंत्री फडणवीसांसोबत न जाता व्यासपीठावर जाऊन बसणे त्यांनी पसंत केल्याचे दिसून येते.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.