Satara BJP News : देवेंद्र फडणवीस ठरविणार माढा, सातारा लोकसभेची रणनिती; दोन दिवस सातारा दौऱ्यावर...

Satara BJP News : राज्याचे उपमुख्यमंत्री देवेंद्र फडणवीस हे येत्या बुधवार (ता. २१ ) व गुरूवारी (ता. २२) सातारा जिल्ह्याच्या दौऱ्यावर येत आहेत. भाजपच्या बुथ प्रमुखांच्या संमेलनाला मार्गदर्शन करणार असून सातारा व माढा लोकसभा मतदारसंघाच्या कोअर कमिटीची बैठक घेणार आहेत, अशी माहिती आमदार जयकुमार गोरे यांनी आज दिली.

सातारा शासकीय विश्रामगृहात आमदार जयकुमार गोरे Jaykumar Gore यांनी पत्रकारांशी संवाद साधला. यावेळी आमदार शिवेंद्रराजे भोसले Shivendraraje Bhosale, कराड उत्तरचे नेते मनोज घोरपडे, धैर्यशिल कदम, रामकृष्ण वेताळ, विक्रम पावस्कर, विकास गोसावी, राहुल शिवनामे यांच्यासह मान्यवर उपस्थित होते.

जयकुमार गोरे म्हणाले, राज्याचे उपमुख्यमंत्री देवेंद्र फडणवीस हे सातारा जिल्ह्याच्या दौऱयावर येत आहेत. दि. 21 रोजी कराडला मुक्कामी येतील. त्यानंतर दि. 22 सकाळपासून त्यांच्या जिह्याच्या दौऱयाला प्रारंभ होईल. कराडच्या टाऊन हॉल येथे जिह्याच्या सर्वच विधानसभा बुथ अध्यक्षांचे, बुथ प्रमुखांचे संमेलन होणार आहे. कराड दक्षिणमधील लाभार्थ्यांचा भव्य मेळावा होणार असून या मेळाव्याला जिल्हयातील 10 हजार लाभार्थी उपस्थित राहणार आहेत.

त्या मेळाव्यात श्री. फडणवीस मार्गदर्शन करणार आहेत. सातारा जिल्ह्याच्या प्रशासकीय कामाच्या बाबतीत आढावा बैठक होईल. त्या बैठकीत जिह्यातील विविध विषयांचा आढावा घेतील. मेडिकल कॉलेजच्या कामाचा, एमआयडीसी आदी मुद्यावर ते माहिती घेतील. त्यानंतर भाजपाच्या सातारा लोकसभा मतदार संघाच्या कोअर कमिटीची बैठक होईल. बैठकीनंतर

फलटण तालुक्यातील बरड येथे माऊलींची पालखी आहे. तेथेते पालखीचे दर्शन घेतील. त्यानंतर माण तालुक्यातील दहिवडी येथे पाणी पुरवठा योजनेचे भूमिपूजन त्यांच्या हस्ते होईल. ही योजना जिहे- कटापूर उपसा सिंचन योजनेतून 32 गावांसाठी पाणी देणारी आहे. त्यानंतर सायंकाळी सहा वाजता तेथेच जाहीर सभा होईल. त्यासाठी खासदार रणजितसिंह नाईक निंबाळकर, आमदार शिवेंद्रराजे भोसले, गोपीचंद पडळकर, महसूल मंत्री राधाकृष्ण विखे पाटील उपस्थित राहतील. सायंकाळी माढा लोकसभा मतदारसंघाच्या कोअर कमिटीची बैठक होईल, असे त्यांनी सांगितले.