Ramraje Naik Nimbalkar : रामराजे म्हणाले, ‘मी महायुतीतच’; पण एकनाथ शिंदेंकडून घेतला ‘हा’ शब्द...

1. फलटण नगरपरिषद निवडणुकीत पुन्हा निंबाळकर विरुद्ध निंबाळकर अशी लढत रंगली आहे, ज्यात रामराजे नाईक निंबाळकर यांनी अजित पवारांची साथ सोडून शिवसेनेचा (शिंदे गट) धनुष्यबाण स्वीकारला आहे.

2. रामराजेंचे चिरंजीव अनिकेतराजे नगराध्यक्षपदासाठी उमेदवार असून, त्यांच्या प्रचारासाठी उपमुख्यमंत्री एकनाथ शिंदे आणि मंत्री शंभूराज देसाई फलटणमध्ये दाखल झाले.

3. सभेत एकनाथ शिंदे यांनी दहशतमुक्त फलटणची हमी देत भाजपला सूचक इशारा दिला, तर रामराजेंनी शिंदेंना वाड्यावर स्नेहभोजनासाठी येण्याचे विनम्र निमंत्रण दिले.

Satara, 29 November : फलटण नगरपरिषदेच्या निवडणुकीत दोन्ही निंबाळकर पुन्हा आमने सामने आले आहेत. पण रामराजे गट उपमुख्यमंत्री एकनाथ शिंदे यांच्या शिवसेनेच्या चिन्हावर मैदानात उतरला आहे. विधान परिषदेचे माजी सभापती रामराजे नाईक निंबाळकर यांचे चिरंजीव अनिकेतराजे नाईक निंबाळकर हे नगराध्यक्षपदाची निवडणूक लढवत आहेत. त्यांच्या प्रचारासाठी शिंदे हे फलटणमध्ये आले होते. त्यावेळी रामराजेंनी एकनाथ शिंदेंकडून स्नेहभोजनासाठी वाड्यावर यावे, अशा शब्द घेतला.

फलटणमध्ये माजी सभापती रामराजे नाईक निंबाळकर (Ramraje Naik Nimbalkar) यांनी उपमुख्यमंत्री अजित पवार यांची साथ सोडून शिवसेनेचे धनुष्यबाण हाती घेतले आहे. रामराजेंचे चिरंजीव अनिकेतराजे हे स्वतः नगराध्यक्षपदासाठी निवडणुकीच्या रिंगणात उतरले आहेत, त्यामुळे फलटण नगरपालिकेची निवडणूक रंगतदार झाली आहे.

फलटण नगरपालिकेतील शिवसेना उमेदवारांच्या प्रचारासाठी शुक्रवारी रात्री उपमुख्यमंत्री एकनाथ शिंदे (Eknath Shinde), पर्यटनमंत्री शंभूराज देसाई यांची सभा झाला. त्या सभेत बोलताना दहशतमुक्त फलटणसाठी मी आलोय. सगळ्यांची अंडी पिली माझ्याकडे आहेत, असे सांगून उपमुख्यमंत्री शिंदे यांनी मित्रपक्ष असलेल्या भाजपला इशारा दिला आहे.

त्याच सभेत बोलताना माजी सभापती रामराजे म्हणाले, एकनाथ शिंदे तुम्ही सातारा जिल्ह्यात, फलटण तालुक्यात आलात. तुमच्या स्वागतासाठी मी राजकीय प्रोटोकॉल बाजूला ठेवून मी स्वतः उभा राहलो. मी कुठच्या पार्टीचा आहे. हे सगळं मुंबईभर चर्चा होणारच. पण मी एकच सांगेन की मी महायुतीत आहे.

शंभूराज देसाई हेही आले, त्यांचेही फलटणमध्ये स्वागत. एकनाथ शिंदे आम्हाला तुमच्याकडून एकच शब्द पाहिजे. तुम्ही फलटणमध्ये जेव्हा पुन्हा याल. फलटणच्या रामाचे तुम्ही दर्शन घ्यावं आणि वाड्यावर आमच्याबरोबर स्नेहभोजन करायला यावं, ही एकच विनंती तुम्हाला राहील, असेही नाईक निंबाळकर यांनी सांगितले.

1. प्र. फलटणमध्ये निंबाळकरांची लढत कशामुळे रंगतदार झाली आहे?
   उ: दोन्ही निंबाळकर वेगवेगळ्या गटातून निवडणुकीत उतरले आहेत.

2. प्र. अनिकेतराजे नाईक निंबाळकर कोणत्या पक्षाच्या चिन्हावर लढत आहेत?
   उ: शिवसेना (शिंदे गट) च्या धनुष्यबाण चिन्हावर.

3. प्र. सभेत एकनाथ शिंदेंनी कोणता संदेश दिला?
   उ: दहशतमुक्त फलटणची हमी देत भाजपला सूचक इशारा दिला.

4. प्र. रामराजेंनी शिंदेंना कोणती विनंती केली?
   उ: पुन्हा फलटण भेटीदरम्यान वाड्यावर स्नेहभोजनासाठी यावे, अशी.