kolhapur News: कोल्हापूर जिल्हा प्रमुख पदावर रविकिरण इंगवले यांची निवड करण्यात आल्यानंतर नाराज झालेल्या संजय पवार आणि गटाने मातोश्रीवर जाऊन नाराजी व्यक्त केली. ठाकरे गट फुटीच्या उंबरठ्यावर असताना ठाकरे गटाकडून जिल्ह्यात पाचवा जिल्हाप्रमुख देणार असा दावा करण्यात आला होता. मात्र आता हा दावा फुसका निघण्याची शक्यता आहे.
आज मातोश्रीवर शिवसेना उद्धव बाळासाहेब ठाकरे पक्षप्रमुख उद्धव ठाकरे यांची कोल्हापुरातील पदाधिकाऱ्यांसोबत बैठक आहे.बैठकीत शक्तीपीठ आणि शेतकऱ्यांच्या प्रश्नावर चर्चा होण्याची शक्यता आहे. तालुकास्तरावर आंदोलन करण्याची रणनीती आखली जाणार असल्याची माहिती आहे.
उद्धव ठाकरे यांनी आज मातोश्रीवर बैठक बोलवली आली होती. बैठकीला कोल्हापूर जिल्ह्यातले सर्वच जिल्हाप्रमुख पहिल्यांदाच एकत्र आले. शिवाय एकत्रच आले नाही तर कोल्हापूर ते मुंबई असा एकत्र गाडीत प्रवास केला. त्यामुळे नाराज गटाच्या विरोधात हे चार जिल्हाप्रमुख एकत्र आले की काय? ची चर्चा आता सुरू झाली आहे. ठाकरे गटाच्या इतिहासात पहिल्यांदाच हे चार जिल्हाप्रमुख एकत्र आल्याने निश्चितच त्याचा फायदा होणार आहे. त्यामध्ये जिल्हाप्रमुख सुनील शिंत्रे, संजय चौगुले, वैभव उगळे यांचा समावेश आहे, मात्र अंतर्गत एकमत टिकवण्याचे मोठे आव्हान ठाकरेंच्या शिवसेने पुढे आहे.
जिल्हाप्रमुख पदावर रविकिरण इंगवले यांची निवड करण्यात आल्यानंतर शिवसेनेचे उपनेते संजय पवार सह संपर्कप्रमुख विजय देवणे यांच्यासह विराज पाटील, अवधूत साळुंखे यांनी थेट मातोश्री गाठत नाराजी व्यक्त केली होती. हर्षल सुर्वे यांनी तडकाफडकी राजीनामा देत शिंदे सेनेत प्रवेश केला. आगामी स्थानिक स्वराज्य संस्थेच्या निवडणुकीच्या पार्श्वभूमीवर ठाकरे गटात बंडाळी माजली असताना हे वातावरण थंड करण्यासाठी पक्षप्रमुख उद्धव ठाकरे यांच्याकडून आज मातोश्रीवर बैठक आयोजित केली आहे.
बैठकीत कोल्हापूर जिल्ह्यात पाचवा जिल्हाप्रमुख देण्याच्या हालचाली सुरू असल्याचा दावा गटातील काही वरिष्ठ पदाधिकाऱ्यांनी केला होता. एकाच जिल्ह्यात पाच जिल्हाप्रमुख पद देऊन पदाची खांडोळी आणखी होऊ शकते, अशी ही चर्चा सध्या ठाकरेंच्या शिवसेनेत आहे.
आजची बैठक ही शेतकऱ्यांच्या प्रश्नावर आहे. कोल्हापूर जिल्ह्यातून शक्तिपीठ महामार्गाला होत असलेला विरोध, यामध्ये ठाकरेंच्या शिवसेनेची भूमिका काय? आंदोलनाची दिशा सर्व घडामोडीवर आजची बैठक होणार असल्याची माहिती ठाकरेंच्या शिवसेनेतील वरिष्ठ सूत्रांकडून समजली आहे. नाराज पदाधिकाऱ्यांची एकत्र बैठक घेऊन त्यांची नाराजी दूर केली जाणार असल्याची देखील चर्चा आजच्या बैठकीत होणार आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.