Solapur News: पुण्याच्या दौंड तालुक्यातील वाखरी येथील न्यू अंबिका या कलाकेंद्रातील गोळीबाराची घटना ताजी असतानाच बीडच्या गेवराई तालुक्यातील एका माजी उपसरपंचाने नर्तिकेच्या प्रेमाच्या नादात आत्महत्या केल्याचा एक धक्कादायक प्रकार घडल्याची धक्कादायक बाब समोर आली. यानंतर आता सोलापूर (Solapur) जिल्ह्यातील माढा तालुक्यात कलाकेंद्रात झालेल्या गोळीबारानं मोठी खळबळ उडाली आहे.
माढ्याच्या वेणेगाव येथे जय मल्हार कलाकेद्रांच्या बाहेर गोळीबाराची घटना घडली आहे. कलाकेंद्रात एकच बैठक लावण्याच्या कारणावरुन हा खटके उडाल्यानंतर त्याचे रुपांतर टोकाच्या भांडणात झाले. या भांडणात आरोपीनं एका तरुणावर थेट पिस्टलमधून गोळी करण्यात आला.
जय मल्हार कला केंद्राबाहेरील या गोळीबारात (Firing) देवा कोठावळे हा तरुण गंभीर जखमी झाला आहे. या गोळीबाराच्या घटनेत तरुणाच्या पायाला गोळी लागली आहे. पण अजूनही टेंभुर्णी पोलिसांनी गोळीबार करणाऱ्या आरोपीचे नाव काहीवेळ गोपनीय ठेवले होते. मात्र,या घटनेनं सोलापूर जिल्हा हादरला आहे.
या प्रकरणी टेंभूर्णी पोलिसांनी मोठी कारवाई करताना तीन जणांना ताब्यात घेतलं आहे. बार्शी येथे नुकत्याच कला केंद्रातील एका महिलेमुळं एका उपसरपंचानं स्वत:वर गोळी झाडत आत्महत्या केल्याची घटनेनं गेवराई तालुक्यात मोठी खळबळ उडाली आहे. यातच आता टेंभुर्णी पोलिसांच्या हद्दीत हा प्रकार घडल्यानं कायदा आणि सुव्यवस्थेचा प्रश्न ऐरणीवर आला आहे.
टेभुर्णी पोलिसांनी याप्रकरणी गोळी झाडण्यात आलेलं संबंधित पिस्टल जप्त केलं आहे. तसेच सुरज पवार याच्यासह अन्य तिघांवर गुन्हा दाखल करण्यात आला आहे. तरी या घटनेत जखमी झालेला देवा बाळू कोठावळे हा पंढरपूरच्या वाखरी गावचा राहणारा आहे.
एकच बैठक लावण्याच्या कारणावरुन हा वाद झाला.आणि या वादाचे रुपांतर टोकाच्या भांडणात झाले. या भांडणात थेट पिस्टलने देवा कोठावळेच्या डाव्या बाजूच्या मांडीवर गोळीबार करण्यात आला. यात देवा कोठावळे हा तरुण जखमी झाला आहे.
बीडमधील गेवराई तालुक्यातील लुखामसला गावचे माजी उपसरपंच गोविंद बर्गे यांनी धक्कादायक पाऊल उचलत थेट आयुष्य संपवले. आपल्या चारचाकी गाडीमध्येच त्यांनी गोळी झाडून आयुष्याचा शेवट केला. पोलिसांनी या प्रकरणी कला केंद्रात डान्स करणारी नर्तकी पूजा गायकवाड हिला ताब्यात घेतले असून तिच्यावर गुन्हा दाखल केला आहे.
काही दिवसांपूर्वी पुणे जिल्ह्यातील दौंड तालुक्यातील चौफुला येथील अंबिका कला केंद्र गोळीबार प्रकरण समोर आले होते. अशातच धाराशिव जिल्ह्यातील कळंब तालुक्यातील चोराखळी येथील महाकाली कला केंद्रासमोर झालेल्या मारहाणीत गोळीबार झाला होता. या घटनेचा व्हिडिओ व्हायरल होत असतानाही गोळीबाराचे प्रकरण दाबण्याचा प्रयत्न केल्याची चर्चा आहे.
चोराखळी येथील सोमवारी (4 ऑगस्ट) महाकाली कला केंद्रसमोर दोन गटांमध्ये तुफान हाणामारी झाली. यात गोळीबार झाल्याचा प्रकार घडला होता. याचा व्हिडीओही परिसरात मोठ्या प्रमाणात व्हायरल होत आहे. पण दौंडप्रमाणाचे हे प्रकरणही दाबण्याचा प्रयत्न सुरु असल्याची चर्चा आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.