Mahadevi Elephant Return to Nandani : शब्बास कोल्हापूरकरांनो! शेवटी वनतारा झुकलं, 'महादेवी' परत येण्यावर शिक्कामोर्तब

Mahadevi Elephant News : महादेवीसाठी मागील काही दिवसांपासून नांदणीच्या ग्रामस्थांसह कोल्हापूरकर एकवटले होते. महादेवीला परत आणण्याचा निर्धार त्यांनी केला होता. अखेर त्यांचा प्रयत्नाना यश आले असून कोल्हापूरमध्ये वनताराचे सीईओ विवान करानी यांनी महादेवीला परत आणणार असल्याचे जाहीर केले. नांदणी गावातच आम्ही महादेवीसाठी (माधुरी) घर बांधून देणार आहोत, असे देखील त्यांनी सांगितले.

नांदणी मठातील महाराज स्वामी यांच्यासोबत चर्चा करण्यासाठी 'वनतारा'चे पथक आज कोल्हापूरमध्ये आले होते. बैठकीनंतर वनराचे सीईओ विहान यांनी स्वामी माथुरीला परत आणणार असल्याचे जाहीर केले. अनंत अंबानी यांनी हा निर्णय घेतला आहे की, कोल्हापूरकरांच्या भावना दुखावणारे वर्तन करणार नाही. तिला वनतारामध्ये जी सेवा मिळेल तीच सेवा नांदणीमध्ये मिळेल. असे विहान यांनी सांगितले.

सरकार, वनतारा मिळून कोर्टात जाणार आहे. नांदणी मठ, वनतारा, आणि राज्यसरकार फेऱ्याचिका दाखल करणार आहोत. पेटाला देखील आम्ही आमच्या बाजुने घेणार आहोत. आम्ही माथुरीला नेले यामध्ये आमच्या वैयक्तिक काही हेतून नव्हता आम्ही फक्त कोर्टाचे आदेश पाळले. माधुरीला नांदणीत घर बांधून देऊ आणि तिला लवकरच येथे परत आणू, असे देखील विहान यांनी सांगितले.

नांदणी मठाकडून स्वागत

विहान यांच्या निवेदनानंतर नांदणी मठाच्या महाराजांनी देखील आपली भूमिका मांडली. त्यांनी आनंत अंबानी आणि त्यांच्या कुटुंबायांच्या या निर्णायचे स्वागत केले. तसेच माधुरीचे सर्व अधिकार हे नांदणी मठाकडे राहतील आणि तिला सेवा आणि उपचार करणे ही वनताराची जबाबदारी असेल, असे स्पष्ट केले.