Pune News : सध्या राज्यातील राजकारण हे बीड सरपंच संतोष देशमुख हत्याकांडासह पालकमंत्र्यांच्या नियुक्त्याच्या बातम्यांच्या भोवती फिरत आहे. अशातच राज्याचे कृषिमंत्री माणिकराव कोकाटे यांनी पीक विमा योजनेत बोगस प्रकार झाल्याची कबुली दिली आहे. यावरून शरद पवार यांच्या राष्ट्रवादीच्या खासदार सुप्रिया सुळे यांनी सरकारवर टीका केली होती. यानंतर आता पुण्यात व्हायरल झालेल्या व्हिडीओवरून त्यांनी थेट मुख्यमंत्र्यांनीच लक्ष घालावे अशी मागणी केली आहे.
सुप्रिया सुळे यांनी याबाबत आज (ता.22) एक्सवर एक पोस्ट करत माहिती दिली आहे. तसेच महायुतीच्या सरकारमध्ये पुण्यात महिला अतिशय तणावाखाली असल्याचे म्हटले आहे.
सुप्रिया सुळे यांनी आपल्या पोस्टमध्ये, पुण्यातील शुक्रवार पेठ परिसरात राहणाऱ्या एका महिलेच्या परवानगीशिवाय चित्रण करून ते समाजमाध्यमांत अपलोड केल्याचा धक्कादायक प्रकार समोर आल्याचे म्हटले आहे. तर या प्रकरामुळे सदर महिला अतिशय तणावाखाली आहे. त्या व्यक्तिच्या या कृत्यामुळे सदर महिलेच्या कुटुंबियांना देखील त्रास सहन करावा लागत असल्याचे सुळे यांनी म्हटले आहे.
तसेच या प्रकरणातील व्यक्तीला लोकांनी पकडून पोलीसांत हजर केले. मात्र पोलिसांनी कोणतीही कारवाई केलेली नाही, असा दावा केला आहे. त्या व्यक्तीने अशा पद्धतीने इतरही काही महिलांचे चित्रीकरण करून व्हिडिओ अपलोड केले आहेत. ही अतिशय गंभीर बाब असल्याचे सुळे यांनी म्हटले असून अशी घटनेने नागरीकांच्या मुलभूत अधिकारांना चिरडण्याचे काम होत असल्याचे सुळे यांनी म्हटले आहे.
तर पोलिस अशा प्रकरणात का गप्प राहत असून आता मुख्यमंत्री फडणवीस महोदयांनी यामध्ये वैयक्तिक लक्ष घालावे. कृपया पिडीतांना न्याय मिळवून द्यावा, असे आवाहन केले आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.