Pune News : शालेय शिक्षणात करण्यात येत असलेल्या हिंदी सक्ती विरोधात राज ठाकरे यांचा मनसे आणि उद्धव ठाकरे यांचा शिवसेना पक्ष एकत्रित मुंबई मध्ये मोर्चा काढता आहे. या मोर्चाकडे राजकीय दृष्ट्या विविध अंगाने पाहायला जात आहे.
त्यामुळे या मोर्चा बाबत भाजपकडून तिखट प्रतिक्रिया येत असताना महाविकास आघाडीतील मित्रपक्ष मात्र याबाबत सावध भूमिका घेताना पाहायला मिळत आहेत. उपमुख्यमंत्री अजित पवारांची देखील भूमिका तळ्यात मळ्यात असल्याचं पाहायला मिळत आहे. पार्श्वभूमीवर भाजप नेते नितेश राणे यांनी या मोर्चावरून ठाकरे बंधूंवर जोरदार टीका केली आहे.
नितेश राणे यांनी पुणे दौऱ्यादरम्यान माध्यमांशी संवाद साधला. हिंदी सक्ती विरोधात राज ठाकरे यांची मनसे आणि उद्धव ठाकरे यांची शिवसेना एकत्रित मोर्चा काढणार आहेत. याबाबत विचारला असता नितेश राणे म्हणाले, हिंदी सक्तीही जावेद अख्तर यांना नाही का? जावेद अख्तर देशाबद्दल कधी कधी चांगलं बोलून जातात मात्र यांच्या थोबाडातून कधी मराठी ऐकली नाही, आमिर खान यांच्याकडून पण मराठी कधी ऐकलेली नाही. तसेच काँग्रेसचे नेते राहुल गांधी यांनी देखील तोंडातून कधी मराठी काढलेली नाही. हे लोक जर मराठीमध्ये बोलले तर आम्ही समजू शकतो की त्यांचे मराठीवर किती प्रेम आहे.
पण, जो मोर्चा निघणार आहे, तो मुंबईतील मुख्य रस्त्यावरून काढण्यात येणार आहे. मात्र मोर्चा मुख्य रस्त्यावरून काढण्यापेक्षा मोहम्मद अली रोड, बेहराम पाडामधून काढला पाहिजे. कारण तेथील लोक सतत हिंदी बोलत असतात, असा टोला नितेश राणेंनी उद्धव-राज ठाकरेंना लगावताना मार्गही सूचवला आहे.
जेव्हा अजाणही मराठी भाषेमध्ये होईल तेव्हा आम्ही मराठी भाषेचा मान राखला जात आहे असं समजू. हिंदूंमध्ये फूट पाडण्यापेक्षा जे मुंबई, महाराष्ट्रात राहून देखील मराठी बोलत नाहीत अशा मोहम्मद अली रोड, बहिराम पाडा या ठिकाणच्या लोकांना मराठी शिकवा, असा खोचक सल्लाही त्यांनी मोर्चा काढणाऱ्या पक्षांना दिला आहे.
हिंदी सक्तीसाठी काढण्यात येणारा मोर्चा हा भविष्यातील युतीची नांदी असू शकते असं खासदार संजय राऊत म्हणाले होते. यावर बोलताना नितेश राणे म्हणाले, एकत्र यायचं की नाही यायचं हे त्यांच्या घरातील प्रश्न आहे.
संजय राऊत हा पगारी माणूस आहे. दर महिन्याला ते सामनातून पगार घेतात. त्यामुळे ते बोलणारच मात्र जर ते बोलले नाही तर त्यांना दिवाळीचा बोनस नाही मिळणार नाही, अशी खोचक टीका राणे यांनी केली.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.