Sangli News : काँग्रेसच्या बंडखोर नेत्या तथा जिल्हा मध्यवर्ती बँकेच्या उपाध्यक्षा श्रीमती जयश्री मदन पाटील यांचा अखेर भाजप प्रवेश झाला. सांगली जिल्ह्यातून भाजपच्या गोटातून याला विरोध झाला होता. त्यामुळे हा प्रवेश रखणार अशा चर्चा सुरू झाल्या होत्या. पण आज (ता.18) त्यांनी मुख्यमंत्री देवेंद्र फडणवीस (Devendra Fadnavis) भाजप प्रदेशाध्य चंद्रशेखर बावनकुळे पालकमंत्री चंद्रकांत पाटील यांच्या उपस्थितीत भाजपमध्ये तीन माजी महापौर आणि ११ माजी नगरसेवकांसह भाजपमध्ये प्रवेश केला. यावेळी मदन पाटील गटातील प्रमुख पदाधिकारी, कार्यकर्त्यांनी देखील ‘कमळ’ हाती घेतले. यामुळे सांगलीत भाजपची (BJP) मोठी ताकद वाढली आहे. (Rebel Congress leader Jayshree Patil joins BJP with Devendra Fadnavis strong attack on Congress)
सांगलीत जयश्री पाटील (Jayshree Patil) यांच्या प्रवेशावरून नाट्यमय घडामोडी घडल्या होत्या. आधी राष्ट्रवादी काँग्रेसच्या वाटेवर असणाऱ्या जयश्री पाटील चंद्रकांत पाटील यांनी लावलेल्या जोडण्यानंतर भाजपवासी झाल्या. यानंतर पालकमंत्री चंद्रकांत पाटील, आमदार सुरेश खाडे, आमदार सुधीर गाडगीळ, जिल्हाध्यक्ष सम्राट महाडिक, जनसुराज्यचे समित कदम, माजी उपमहापौर शेखर इनामदार यांच्यासह जयश्री पाटील यांच्या घरी जाऊन प्राथमिक बोलणी केली आणि आजचा मुहूर्त ठरला. याप्रमाणे आज दुपारी 3 वाजता मुंबईतील भाजप कार्यालयात हा प्रवेश होणार होता. पण तो रखडा. यामुळे भाजपच्या नेत्यांनी केलेल्या विरोधामुळे तो थांबल्याच्या चर्चा सुरू झाल्या होत्या.
पण सायंकाळी सहा वाजता मुख्यमंत्री आणि चंद्रकांत पाटलांसह इतर पदाधिकाऱ्याच्या उपस्थितीत हा प्रवेश पार पडला. यावेळी, ‘भाजप हा एक परिवार आहे. श्रीमती जयश्री पाटील आणि त्यांच्या कार्यकर्त्यांना या ठिकाणी कुटुंबासारखीच वागणूक दिली जाईल. भाजप त्यांच्या कार्यकर्त्यांना योग्य ठिकाणी संधी देईल. तर ताईंसह त्यांचा सन्मान केला जाईल, अशी ग्वाही यावेळी मुख्यमंत्री फडणवीस यांनी दिली.
फडणवीस म्हणाले की, मी ताईंसाठी येथे आलोय. भाजपमध्ये एक नियम असून पक्षप्रवेश प्रदेशाध्यक्षांच्या हस्ते होतो असतो. मुख्यमंत्री त्या कार्यक्रमाला येत नाहीत. पण वसंतदादांच्या घराण्याचा वारसा चालवणाऱ्या वहिनी भाजपमध्ये येत असल्याने मी या कार्यक्रमाला आलो. तसा आग्रहच ताईंनी केला होता असेही फडणवीस म्हणाले.
फडणवीस यांनी, काँग्रेसवर हल्लाबोल करताना, राज्यात वसंतदादा पाटील, प्रकाशबापू, विष्णूअण्णा, मदनभाऊंनी काँग्रेस पुढे नेली. त्यांचा वारसा जयश्रीताईंनी पुढे नेला. काँग्रेसची धुरा त्यांनी सांभाळली. मात्र पक्षाने त्यांना सांभाळले नाही. यामुळेच त्यांना भाजपमध्ये प्रवेश करावा लागला. मात्र आमचीही तशीच इच्छा होती. गेल्या काळात भाजप सांगली जिल्ह्यात मोठ्या प्रमाणात वाढली. खासदार, आमदार, स्थानिक स्वराज्य संस्थांत काम वाढले. अशावेळी पक्ष अधिक मजबूत करण्यासाठी चांगली माणसे सोबत घेण्याचे ठरले होते. त्याप्रमाणे जयश्रीताईंनीही आमच्याबरोबर यावे यासाठी प्रयत्न सुरू होते, असेही फडणवीस यांनी म्हटलं आहे.
यावेळी जयश्री पाटील, काँग्रेसने आपल्यावर अन्याय केल्याचा आरोप केला. तर मदनभाऊंनंतर आपण कार्यकर्त्यांच्या आग्रहा खातर राजकारणात आले. भाऊंनंतर ते जेथे होते. त्या सगळ्या संस्थांवर काम केलं. त्या सांभाळल्या. काँग्रेससाठी 10 वर्षे दिलीत. पण वेळ आल्यावर काँग्रेसने काय केलं? अन्याय केला. विधानसभेला उमेदवारी मागितली. न दिल्यानेच अपक्ष लढले. त्यानंतर काय तर मला पक्षातून काढून टाकले. त्यामुळेच राजकीय स्थिरतेसाठी कोणत्या पक्षात जावं असा विचार सुरू होता. त्यावेळी मुख्यमंत्री देवेंद्र फडणवीस यांची दोनदा भेट घेतली. त्याचवेळी त्यांच्या नेतृत्व नेतृत्वाखाली काम करण्याचा निर्णय आपण घेतल्याचे जयश्री पाटील म्हणाल्या.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.