Kolhapur News : कोल्हापुरातील शिवसेना उद्धव बाळासाहेब ठाकरे यांच्या पक्षातील खदखद रविकिरण इंगवले यांच्या जिल्हाप्रमुख पदाच्या निवडीवरून बाहेर येत आहे. सेनेतील अंतर्गत संघर्ष उफाळला असून नूतन दक्षिण शहर प्रमुख हर्षल सुर्वे यांनी राजीनामा देत शिंदेंच्या सेनेत प्रवेश केला. त्यापाठोपाठ आता माजी मुख्यमंत्री उद्धव ठाकरे (Uddhav Thackeray) यांना दुसरा मोठा धक्का मिळण्याची शक्यता वर्तवली जात आहे.
शिवसेनेचे उपनेते संजय पवार हे शिंदेंच्या सेनेत दाखल होण्याची चर्चा आता रंगली आहे. त्या संदर्भातील प्राथमिक चर्चा झाली असून उद्योग मंत्री उदय सामंत आणि आरोग्यमंत्री प्रकाश आबिटकर यांच्या मदतीने शिवसेनेत जाणार असल्याची माहिती सरकारनामाला सूत्रांनी दिली आहे.
हर्षल सुर्वे यांच्या पाठोपाठ शिवसेना उपनेते संजय पवार (Sanjay Pawar) देखील शिंदे सेनेच्या वाटेवर असल्याची चर्चा आता होऊ लागली आहे. उद्योग मंत्री उदय सामंत व्हाया संजय पवार सेनेत जाण्याच्या तयारीत आहेत. असे देखील बोलले जाते.
कोल्हापूरचे पालकमंत्री प्रकाश आबिटकर आणि उद्योगमंत्री उदय सामंत यांच्याशी प्राथमिक चर्चा झाली असल्याचे सांगितले जाते. त्यामुळे माजी मुख्यमंत्री उद्धव ठाकरे यांना लवकरच कोल्हापुरातून मोठा धक्का मिळण्याची शक्यता वर्तवली जात आहे.
जिल्हाप्रमुख पदावर रविकिरण इंगवले यांची निवड करण्यात आल्यानंतर कोल्हापुरातील ठाकरेंची सेना नाराज होती. शिवाय संजय पवार यांनी देखील विरोध केला होता. आज शासकीय विश्रामगृह येथे पत्रकार परिषद घेत पवार यांनी ठाकरे शिवसेनेच्या पदाचा राजीनामा देत भावना व्यक्त केली होती. यावेळी त्यांना अश्रू अनावर देखील झाले होते. लवकरच संजय पवार देखील शिंदेंच्या सेनेचा भगवा हातात घेणार असल्याची 'सरकारनामा'ला सूत्रांनी दिली आहे.
सोमवारी (ता.30) सकाळी झालेल्या पत्रकार परिषदेत उपनेते संजय पवार यांनी आपण कुठेही जाणार नसल्याचे स्पष्ट केले होते. जिल्हाप्रमुख निवड प्रक्रियेतून बाहेर ठेवलं, 36 वर्षे शिवसैनिक म्हणून काम केलं आहे. मी हनुमान म्हणून आयुष्यभर उद्धव ठाकरे यांच्या पायाजवळ कायम राहणार असल्याचे पवार यांनी सांगत मी शिंदे गटात जाणार अशी अफवा पसरवण्यात आली, मी कुठंही जाणार नाही असे देखील पवार म्हणाले.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.