Satara ZP Chairman Election : सातारा जिल्हा परिषद सभापती निवडणुकीतही पोलिसांची आठमुडी भूमिका; पत्रकारांना रोखले; 'त्या' निर्णयाने भाजपचा मार्ग मोकळा

Satara ZP News : सातारा जिल्हा परिषद अध्यक्ष आणि उपाध्यक्ष निवडणुकीत मोठे नाट्य पाहण्यास मिळाले होते. पोलिसांनी मंत्री शंभूराज देसाई यांना धक्काबुक्की केली होती. या विषयी त्यांनी विधीमंडळात उडवला होता. त्यानंतर सातारा पोलिस आयुक्त हे सुट्टीवर गेले आहेत. दरम्यान, आज झालेल्या सभापती निवडणुकीत देखील मोठा ट्विस्ट पाहण्यास मिळाला.

राष्ट्रवादीचे आणि शिवसेनेने सदस्यांनी भाजपने या आधी झालेल्या अध्यक्ष, उपाध्यक्षांच्या निवडी बेकायदेशीर असल्याचे कारण देत मतदानावर बहिष्कार टाकला. तसेच निवडणूक प्रक्रिया लोकशाही पद्धतीने होत नसल्याने आरोप करत बहिष्काराचे समर्थन केले.

सभापती निवडीच्या दरम्यान सभागृहातून शिवसेना आणि राष्ट्रवादी सदस्यांचा वॉक आऊट केले. प्रशासनाच्या विरोधात जोरदार घोषणाबाजी करत सर्व सदस्य पडले सभागृहातून बाहेर. तसेच सातारा जिल्हा परिषद च्या पायऱ्यांवर बसून दोन्ही पक्षाच्या सदस्यांची जोरदार घोषणाबाजी केली.

पोलिसांचा आडमुठेपणा

अध्यक्षपदाच्या निवडीवेळी पोलिसांच्या भूमिकेवर प्रशचिन्ह उपस्थित केले गेले होते. त्यानंतर देखील त्यांनी सभापती निवडीच्या वेळी आडमुठेपणा कायम ठेवला. वार्तांकन करण्यासाठी जाणाऱ्या पत्रकारांना जिल्हा परिषदेच्या इमारती पर्यंत देखील पोलिसांनी जाऊ दिले नाही.