Swargate Rape Case : स्वारगेट स्थानकातील शिवशाही बसमध्ये 26 वर्षीय तरुणीवर अत्याचार करण्यात आला होता. पहाटेच्या सुमारास ही घटना घडली होती. या प्रकरणी आरोपी दत्तात्रय गाडे याला घटनेच्या 70 तासानंतर पोलिसांनी अटक केले. पोलिसांनी गाडेला न्यायालयापुढे हजर केले असता न्यायालायने त्याला 12 मार्चपर्यंत पोलिस कोठडी सुनावली आहे.
गाडे याला न्यायालायापुढे हजर केले असता सरकारी वकील आणि आरोपचे वकील यांच्याकडून युक्तिवाद करण्यात आला. आरोपीचे वकील वाजिद खान यांनी माध्यमांशी बोलताना न्यायालयात केलेल्या युक्तिवादाची माहिती दिली.
अ‍ॅड.वाजिद खान म्हणाले, 'मी न्यायालयात आरोपीची बाजू मांडताना सांगितले की, सकाळी पावणेसहा वाजता घटना घडली. मात्र, मुलीने कोठेही आरडाओरडा केला नाही. मुलगी स्वतःहून बसमध्ये गेली. सहमती हे संबंध झाले आहेत.'
दत्तात्रय गाडे याचा भाऊ हा देखील त्याच्या सारखा दिसतो. तो देखील पोलिसांच्या ताब्यात आहे. या घटनेनंतर मीडियामध्ये फोटो व्हायरल झाल्याने कुटुंबाला धोका निर्माण झाल्याने आरोपी फरार झाला, असा दावा देखील अ‍ॅड.वाजिद खान यांनी मीडियाशी बोलताना केला.
सहमतीने संबंध झाल्याचा दावा सरकारी वकीलांनी न्यायालयात खोडून काढला. आरोपीने बस कंडक्टर असल्याचे सांगत तरुणीची दिशाभूल करत दिला बसमध्ये चढवले यानंतर न्यायालयानं दोन्ही बाजूचा युक्तिवाद ऐकून घेतल्यानंतर आरोपीला 12 मार्चपर्यंत पोलीस कोठडी ठोठावली.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.