Tukaram Munde : अखेर IAS तुकाराम मुंढेंनी मौन सोडले, 'त्या' आमदाराला जोरदार प्रत्युत्तर, म्हणाले, 'मी मनमानी...'

Tukaram Munde News : नागपूरचे हिवाळी अधिवेशन भाजप आमदार कृष्णा खोपडे यांनी IAS अधिकारी तुकाराम मुंढे यांच्या विरोधात लक्षवेधी मांडल्याने विशेष गाजले. आमदार खोपडे यांनी मुंडेंच्या विरोधात भूमिका घेतल्याने त्यांचे समर्थक फोन करून धमकी देत असल्याचा आरोप करून खळबळ उडवून दिली. त्यामुळे मुंडेंच्या विरोधात काय कारवाई होणार याची चर्चा सुरू असताना सरकारकडून मुंडेंना यांना त्यांच्यावर करत असलेल्या आरोपांवर क्लिन चिट दिल्याचे जाहीर केले.

आता अधिवेशनाच्या नंतर एका मराठी वृत्तवाहिनीशी बोलताना तुकाराम मुंडे यांनी नाव न घेता आमदारावर खोपेडेंवर निशाणा साधला आहे. ते म्हणाले, काही लोकांची मनमानी होऊ दिली नाही म्हणून माझ्याविरोधात कटकारस्थान करत आहेत.

एका प्रामाणिक अधिकाऱ्याला किती त्रास द्यायचा? मी नागपूरात काम करत असताना काही लोकांची मनमानी होऊ दिली नाही म्हणून माझ्या विरोधात वारंवार कट रचून त्रास दिला जातोय. चौकशीत निर्दोष आढळलो तरी माझ्यावर वारंवार तेच आरोप केले जात आहे, असे देखील त्यांनी सांगितले.

खोपडेंचे नेमके आरोप काय?

कृष्णा खोपडे यांनी विधानसभेत लक्षवेधी मांडताना मुंढे हे 2020 मध्ये नागपूर महापालिकेचे अधिकारी असताना त्यांना अधिकार नसताना स्मार्ट सिटी प्रकल्पात हस्तक्षेप केला तसेच कोणतीही योग्यता नसलेल्या ठराविक कंत्राटदारांना धनादेश वितरीत केले. 20 कोटींचा भ्रष्टाचार झाल्याचा आरोप त्यांनी केला होता.