Mumbai News: आयपीएस तुकाराम मुंढे आयुक्त असलेल्या अन्न व औषध प्रशासनाच्या (FDA) कारवाईवर मुंबई उच्च न्यायालयाने पुन्हा एकदा गंभीर प्रश्न उपस्थित केले आहेत. पुण्यातील एका मिठाईच्या दुकानावर करण्यात आलेल्या कारवाईप्रकरणी न्यायालयाने FDAला पाच लाख रुपयांची नुकसानभरपाई देण्याचे आदेश दिले.
दुकानाकडून नियमांचे बहुतांश पालन होत असल्याचे तपासणीदरम्यान निदर्शनास आले असतानाही दुकान तब्बल 34 दिवस बंद ठेवण्यात आल्याने न्यायालयाने FDAच्या कार्यपद्धतीवर कोर्टाने नाराजी व्यक्त केली.
यावर मुख्यमंत्री देवेंद्र फडणवीस यांनी एफडीएच्या कामांचे कौतुक केले आहे. त्यांच्या कामाबाबत निरीक्षण नोंदवत त्यांची पाठराखण केली आहे.
राज्यात FDAकडून उत्तम कारवाई सुरू आहे. सगळ्यात पहिले तर फूड अडल्ट्रेशन किंवा कोणत्याही प्रकारचे मानक आहेत त्यांच्यावर जेव्हा कोणी प्रश्न उपस्थित करतात तेव्हा लोकांच्या जीवाला धोका असतो.लोकांचे आरोग्य धोक्यात असते. त्यामुळे त्यावर सक्त कारवाई करणे गरजेचे होते आणि ही कारवाई होत आहे. याचा मला आनंद आहे की अशा प्रकारची कारवाई सुरु आहे. ही एफडीएची कारवाई सतत होत राहणार आहे,असे मुख्यमंत्री फडणवीस यांनी सांगितले.
FDAकडून सुरू असलेल्या कारवाईबाबत मला आनंद आहे.आपल्या देशाची अर्थव्यवस्था जगात चौथ्या क्रमांकावर आहे. देशाच्या अर्थव्यवस्थेत महाराष्ट्राचा मोठा वाटा आहे असे म्हटले आहे. मुख्यमंत्री देवेंद्र फडणवीस यांनी तुकाराम मुंढे यांच्याकडून FDIच्या सुरु असलेल्या कारवाईंचे कौतुक पाहून नागरिक देखील आनंदी झाले आहेत, असे मुख्यमंत्री म्हणाले.
FDAच्या अधिकाऱ्यांनी पुण्यातील गुरुनानक डेअरीची 12 जून रोजी तपासणी केली होती. अन्नविषबाधेबाबत तक्रार प्राप्त झाल्यानंतर ही तपासणी करण्यात आली. यावेळी दुकानातील स्वच्छता तसेच कर्मचाऱ्यांच्या वैयक्तिक स्वच्छतेसंदर्भात काही त्रुटी आढळल्याचे FDAचे म्हणणे होते. त्यानंतर संबंधित दुकानाचा परवाना निलंबित करण्यात आला.
FDAने केलेल्या पुढील तपासणीत मात्र परिस्थितीत मोठी सुधारणा झाल्याचे समोर आले. पुनर्तपासणीमध्ये सुमारे 98 टक्के नियमांचे पालन होत असल्याचे आढळले. त्यामुळे दुकानमालकाने निलंबनाचा आदेश मागे घेण्याची मागणी FDAकडे केली. मात्र या निवेदनावर अपेक्षित निर्णय न झाल्याने अखेर दुकानमालकाने मुंबई उच्च न्यायालयात धाव घेतली होती
दुकान दीर्घकाळ बंद राहिल्याने झालेल्या नुकसानीची दखल घेत न्यायालयाने FDAला पाच लाख रुपये नुकसानभरपाई देण्याचे आदेश दिले. पुनर्तपासणीच्या माध्यमातून अन्नपदार्थांची सुरक्षितता सुनिश्चित करण्याचा FDAचा उद्देश योग्य असला, तरी कारवाई करताना आवश्यकतेपेक्षा अधिक कठोर भूमिका घेणे टाळले पाहिजे, असे न्यायालयाने स्पष्ट केले.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.