Ahilyanagar Crime News: अहिल्यानगर हादरलं! तारकेश्वर गडाच्या महंतांचे स्वत:वरच वार; रुग्णालयात उपचार सुरू,भाजप आमदार दाखल

Ahilyanagar News : महाराष्ट्राला हादरवणारी एक घटना अहिल्यानगरमधून समोर येत आहे. बीड,अहिल्यानगर जिल्ह्यासह पाथर्डी परिसरात मोठा भक्त परिवार असलेल्या तारकेश्वर गडाचे महंत आदिनाथ शास्त्री यांनी स्वत:वरच वार केल्याची धक्कादायक उघडकीस आली आहे. यात ते गंभीर जखमी झाले असून त्यांच्यावर अहिल्यानगरमधील खासगी रुग्णालयात उपचार सुरू असल्याची माहिती समोर येत आहे.

तारकेश्वर गडाचे महंत आदिनाथ शास्त्री महाराज यांनी स्वत:वरच वार केल्यानंतर त्यांना तातडीनं उपचारासाठी रुग्णालयात हलवण्यात आलं. या घटनेनंतर आदिनाथ शास्त्रींच्या भक्त परिवारात मोठी खळबळ उडाली आहे. या घटनेची माहिती मिळताच पाथर्डीच्या भाजप आमदार मोनिका राजळे आणि भाजप नेते अक्षय कर्डिले रुग्णालयात दाखल झाल्याची माहिती समोर येत आहे.

अहिल्यानगर जिल्ह्यातील तारकेश्वर गडांवर लाखो भक्तगण जोडले गेलेले आहेत. आता याच गडाच्या महंतांनी स्वत:वार केल्याची गंभीर घटना समोर आल्यानं मोठा धक्का बसला आहे. सध्या महंत आदिनाथ शास्त्री महाराजांवर डॉक्टरांकडून उपचार सुरू आहेत. मात्र,याचवेळी महाराजांनी स्वत:वर वार का केले याबाबत काही माहिती समोर आलेली नाही.

सोशल मीडियावर व्हायरल होत असलेल्या काही फोटो आणि व्हिडीओनुसार महंत आदिनाथ शास्त्री महाराज हे गंभीर जखमी झाल्याचं दिसून येत आहे. पण त्यांच्या उपचारासंबंधीची अधिकृत माहिती रुग्णालयाच्या डॉक्टरांकडून देण्यात आलेली नाही.

या घटनेची माहिती मिळताच पोलिस घटनास्थळी व रुग्णालयात दाखल झाल्याची माहिती समोर येत आहे. तारकेश्वर गडाचे महंत आदिनाथ शास्त्री महाराज यांनी वार करण्याइतपत टोकाचं पाऊल उचलल्यामुळे त्यांचे कुणाशी काही खासगी वाद झाले होते का..? किंवा अधिकच्या तपशीलवार गोष्टी पोलिस तपासात समोर येणार आहे.