Yeola News: येवला हा राष्ट्रवादी काँग्रेसचे नेते छगन भुजबळ यांचा बालेकिल्ला आहे. या बालेकिल्ल्यात मंत्री भुजबळ यांना यंदा महायुतीच्या घटक पक्षांनीच दुहेरी अडथळे निर्माण केले आहेत. त्यातून आपल्या विरोधकांना धूळ चारण्यासाठी मंत्री भुजबळ यांच्या खेळीकडे लक्ष लागले आहे.
अन्न व नागरी पुरवठा मंत्री छगन भुजबळ यांच्या येवला मतदारसंघात नगराध्यक्ष पदाचा गुंता वाढला. भाजप नगराध्यक्ष पदाच्या उमेदवारीवर ठाम आहे. त्यामुळे या वाटाघाटींकडे सगळ्यांचे लक्ष लागले आहे.
येवला नगरपालिका निवडणुकीत ज्येष्ठ मंत्री छगन भुजबळ यांच्यासाठी प्रतिष्ठेची आहे. यंदा त्यांना शिवसेना एकनाथ शिंदे पक्षाचे आव्हान आहे. त्यामध्ये भाजप कोणाच्या पारड्यात वजन टाकतो याला महत्त्व आले आहेत.
भाजपचे जिल्हा अध्यक्ष आणि नगरपालिका निवडणुकीचे प्रभारी यातील कदम यांनी याबाबत आपली भूमिका स्पष्ट केली आहे. येवल्यात पक्षाची संघटनात्मक शक्ती आहे. पक्षाला मानणारा मोठा वर्ग आहे. त्यामुळे नगराध्यक्ष पदावर कार्यकर्ते तडजोड करण्यास तयार नाही.
यासंदर्भात वरिष्ठ नेत्यांची राष्ट्रवादी काँग्रेसची चर्चा सुरू आहे. मात्र स्थानिक पातळीवर कार्यकर्त्यांनी नगराध्यक्ष पदाची निवडणूक लढविण्याची मानसिकता केली आहे. त्याचा अनादर करता येणार नाही, असे सूचक वक्तव्य देखील या यतीन कदम यांनी केले.
भाजपकडे येवला नगरपालिका निवडणुकीत दोन्ही पर्याय उपलब्ध आहेत. शिवसेना एकनाथ शिंदे पक्षाचे माजी आमदार नरेंद्र दराडे यांनी देखील भुजबळ आणि भाजप यांच्यातील दुरावा कसा वाढेल, यासाठी प्रयत्न सुरू केले आहेत. त्यामुळे भाजप एकाच वेळी दोन्ही आघाड्यांच्या संपर्कात आहे.
येवला नगरपालिकेची निवडणूक यंदा महायुतीच्या तिन्ही घटक पक्षांनी प्रतिष्ठेची केली आहे. याउलट महाविकास आघाडी चाचपडत असल्याचे चित्र आहे. त्यामुळे विधानसभेत घडले ते नगरपालिकेला बिघडले अशी स्थिती आहे.
------
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.