Nashik Politics : राष्ट्रवादी काँग्रेस (शरद पवार) पक्षाचे नेते उदय सांगळे यांनी भाजपमध्ये प्रवेश केल्याने सिन्रर तालुक्यातील राजकीय समीकरणे बदलली आहे. सांगळे हे व्हीजन असलेले नेतृत्व असून सिन्नरच्या विकासासाठी भाजपची सर्व ताकद त्यांच्या पाठीशी उभी करण्याचे आश्वासन प्रदेशाध्यक्ष रवींद्र चव्हाण यांनी पक्षप्रवेशावेळी दिलं.
यापूर्वी तालुक्यात आजपर्यंत फारसे अस्तित्व नसल्याने भाजपवर अगदी रिक्षात मावणारा पक्ष या शब्दात टीका होत होती. मात्र उदय सांगळे यांच्या प्रवेशाने सिन्नर तालुक्यात भाजपची ताकद आता वाढली आहे. परिणामी सांगळे यांच्या मागेही भाजपची साम, दाम, दंड, भेद अशी सर्व रुपी ताकद उभी राहणार आहे. त्यामुळे निश्चित राष्ट्रवादीचे माणिकराव कोकाटे व शिवसेना उद्धव बाळासाहेब ठाकरे पक्षाचे खासदार राजाभाऊ वाजे या दोघांच्या गटा विरोधात भाजपची तिसरी शक्ती उभी राहिली आहे हे मान्य करावे लागेल.
उदय सांगळे यांचा आगामी स्थानिक स्वराज्य संस्थांच्या निवडणुकांमध्ये क्रीडामंत्री माणिकराव कोकाटे आणि खासदार राजाभाऊ वाजे या दोघांशी सामना होणार आहे. कोकाटे यांच्या विरोधात सांगळेंनी विधानसभेला लाखभर मते घेत टक्कर दिली होती. त्याचवेळी सांगळे यांच्या मागे असलेला जनाधार स्पष्ट झाला होता. भाजपने तेच हेरून सांगळेंना आपल्या गोटात घेत सिन्नरच्या राजकारणात यशस्वी शिरकाव केला आहे. शिवाय माणिकराव कोकाटे यांचे बंधू भारत कोकाटे यांचीही साथ उदय सांगळे यांना राहणार आहे.
तालुक्यात भारतीय जनता पक्षाची फारशी ताकद नव्हती. जयंत आव्हाड यांच्या नेतृत्वात गेल्या वर्षापासून पक्षाचे काम सुरु होते. मात्र आता उदय सांगळे, भारत कोकाटे यांच्या रुपाने पक्षाला बळ मिळालं आहे. त्यात आधी इच्छुक उमेदवारांपुढे दोनच सक्षम पर्याय होते. पण आता उमेदवारी डावलली तर तिसरा सक्षम पर्यायही उमेदवारांना खुला झाला आहे. त्यात भाजपचे मंत्री व संकटमोचक गिरीश महाजन यांनी लोक द्यायला तयार आहेत, आपण ते घेतले पाहिजे. त्यामुळे आगामी स्थानिक स्वराज्य संस्था एकहाती ताब्यात घ्या असे आवाहन करतानाच सिन्नरला विक्रम करायचा असल्याचे सांगत स्वबळाचा नारा दिला आहे.
दरम्यान सिन्नर तालुक्याचे राजकारण आजवर जातीय समीकरणांवर आधारित राहिलेले आहे. त्यामुळे आगामी निवडणुकांमध्येही जातीय समीकरणांचा प्रभाव दिसून येणार आहे. मराठा व वंजारी मतदारांवर येथील राजकारण फिरतं. वाजे-कोकाटे दोघांचे मराठा मतदारांवर प्रभुत्व आहे. तर सांगळे यांचे वंजारी समाजाच्या मतदारांवर मोठा प्रभाव आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.