Maharashtra politics : नाशिक जिल्हा परिषदेच्या निवडणुकीपूर्वीच राष्ट्रवादी कॉंग्रेस (शरदचंद्र पवार) पक्षाला मोठा धक्का बसणार आहे. पक्षाचे सिन्नर तालुक्यातील नेते उदय सांगळे यांचा भारतीय जनता पक्षात येत्या चार- पाच दिवसात प्रवेश निश्चित झाला आहे. आगामी जिल्हा परिषद निवडणुकीच्या पार्श्वभूमीवर ते शरद पवार यांच्या पक्षाला सोडचिठ्ठी देत भाजपमध्ये जाणार असल्याचे वृत्त आहे.
सांगळे यांच्या भाजप प्रवेशासाठी ३ नोव्हेंबरचा मुहूर्तही निश्चित झाल्याचे सांगितले जात आहे. हा प्रवेश सोहळा भाजप प्रदेशाध्यक्ष रवींद्र चव्हाण यांच्या उपस्थितीत सिन्नर येथील वंजारी समाज मैदानावर होणार असल्याची माहिती आहे. दरम्यान भाजप प्रवेशाबाबत सांगळे हे आज गुरुवारी (ता. ३०) स्वतः प्रसार माध्यमांशी बोलणार आहेत.
गेल्या अनेक महिन्यांपासून उदय सांगळे यांच्या भाजप प्रवेशाच्या चर्चा सिन्नर तालुक्यात आहेत. परंतु कार्यकर्त्यांशी चर्चेनंतर प्रवेश करणार असल्याचे भाजप नेत्यांना सांगण्यात आल्याने प्रवेश लांबणीवर पडला. आता जिल्हा परिषदेच्या निवडणुकीच्या तोंडावर त्यांचा प्रवेश निश्चित झाल्याचे वृत्त आहे.
सांगळे यांनी नुकतीच राष्ट्रवादी काँग्रेस (शरदचंद्र पवार) पक्षाकडून विधानसभा निवडणूक लढवली होती. मंत्री माणिकराव कोकाटे यांच्या विरोधात त्यांनी लाखभर मते घेतली होती. सिन्नर तालुक्याच्या राजकारणात मराठा समाजानंतर वंजारी समाजातील मतदारांची संख्या अधिक आहे. या मतावर सांगळे यांचा मोठा प्रभाव आहे. त्यामुळे सांगळे पक्षात आल्याने भाजपला मोठा फायदा होईल असे राजकीय जाणकारांचे म्हणणे आहे.
मात्र, सांगळे यांच्या भाजप प्रवेश राष्ट्रवादी काँग्रेस (शरदचंद्र पवार) पक्षासाठी मोठा धक्का मानला जात आहे. सांगळे यांच्या पत्नी याआधी नाशिक जिल्हापरिषदेच्या अध्यक्ष देखील राहिलेल्या आहेत. त्यामुळे आगामी जिल्हा परिषदेच्या निवडणुकीत मोठी चुरस वाढणार आहे. तालुक्यात भाजप स्वबळावर निवडणुका लढवणार असल्याने येथे तिरंगी निवडणुका होण्याची शक्यता अधिक आहे.
उदय सांगळे यांची पक्ष प्रवेशाबाबत मुख्यमंत्री देवेंद्र फडणवीस, भाजपचे प्रदेशाध्यक्ष चंद्रशेखर बावनकुळे, पालकमंत्री गिरीश महाजन यांच्यासोबत यापूर्वीच चर्चा झाली होती. तसेत तीन दिवसापूर्वीच सांगळे यांनी भाजपच्या स्थानिक पदाधिकाऱ्यांची संपर्क कार्यालयात बैठक घेऊनही चर्चा केली.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.