Sambhajiraje On Chhagan Bhujbal : येवल्यात वीस वर्षांत केले तरी काय?

Sambhajiraje News : गेली अनेक वर्षे विविध खात्यांचे मंत्रिपद सांभाळलेल्या आणि येवला मतदारसंघाचे प्रतिनिधित्व करणाऱ्या छगन भुजबळ यांच्या कार्यपद्धतीवर संभाजीराजे यांनी खरमरीत टीका केली. येथे मूलभूत विकासाचा अभाव असल्याचे त्यांनी सांगितले. (Sambhajiraje asks, what ministers have work in last 20 years)

स्वराज्य पक्षाचे प्रमुख संभाजीराजे (Sambhajiraje) यांनी लासलगाव (Yeola) येथे सभा घेतली. या वेळी त्यांनी येथे प्रक्रिया उद्योग का उभारण्यात आले नाहीत, असा प्रश्न केला. मंत्री छगन भुजबळ (Chhagan Bhujbal) यांच्याविरोधात टीका केली.

छत्रपती संभाजीराजे यांनी येथील स्थानिक प्रश्नांना हात घालत २० वर्षांपासून मतदारसंघाचे प्रतिनिधित्व करीत असूनही अद्याप येवल्यात विकासगंगा नसल्याचे सांगत भुजबळांचे कान टोचले.

ते म्हणाले, गेल्या अनेक वर्षांपासून इथले प्रतिनिधी मंत्रिपदे उपभोगत आहेत. मात्र, येवल्यात ना शिक्षण संस्था, ना एमआयडीसी, ना कांद्याचे प्रोसेसिंग युनिट; मग २० वर्षांत नेमके काय केले?, असा सवाल छत्रपती संभाजीराजे यांनी येथे झालेल्या शेतकरी संघर्ष सभेत केला.

स्थानिक लोकप्रतिनिधींनी या प्रश्नांची उत्तरे द्यावीत, नाही तर २०२४ दूर नाही, अशा शब्दांत छत्रपती संभाजीराजे यांनी थेट छगन भुजबळ यांनाच आव्हान देत, संभाजीराजे म्हणाले की, आज नाशिक जिल्ह्यात आल्यानंतर येवला मतदारसंघात फिरलो. अनेक गावांना भेटी दिल्या. येवल्यात अनेक प्रश्न आहेत. मात्र, विरोधकही प्रश्न विचारत नाहीत.

लासलगावमध्ये कांद्याची मोठी बाजारपेठ असताना कांद्याचे प्रोसेसिंग युनिट का नाही, असा प्रश्न उपस्थित केला. येथील मंत्री येवल्याच्या विकासासाठी सत्तेत गेले. आता नऊ महिन्यांत येवल्याचा काय विकास साधणार काय माहीत, असा खोचक टोला भुजबळांना लगावला. एमआयडीसी बघण्यासाठी गेलो, तर एमआयडीसी सापडलीच नाही. तेथे जवळपास ३५० एकर जागा पडून आहे. त्यासाठी जिंदाल व उद्योगमंत्री उदय सामंत यांना इथे बोलवणार आहे.

या वेळी करण गायकर, धनंजय जाधव, विनोद साबळे, महादेव देवसरकर, संजय पवार, प्रा. उमेश शिंदे, राहुल शिंदे, नवनाथ वैराळ, प्रदीप रायते, रोहिदास पवार, सुनील काळे, केशव गोसावी, शिवाजी मोरे, नवनाथ शिंदे, पुष्पाताई जगताप, मनोरमा पाटील, ज्ञानेश्वर भोसले आदी उपस्थित होते.