Akola news : अकोला येथील जिल्हा नियोजन समितीच्या बैठकीत गुरुवारी मोठा राडा झाला. या बैठकीवेळी भाजप अन् ठाकरे सेनेचे आमदार एकमेकांना भिडले यामुळे मोठा गोंधळ उडाला. यावेळी दोन्ही आमदारच एकमेकांच्या अंगावर धावून गेल्याने बैठकीच्या ठिकाणी कार्यकर्ते देखील एकमेकांच्या अंगावर धावून गेले. यावेळी भाजप व ठाकरे गटाचे कार्यकर्ते आक्रमक झाले होते.
अकोला येथील जिल्हा नियोजन समितीच्या बैठकीत भाजपचे (BJP) आमदार रणधीर सावरकर आणि शिवसेना ठाकरे गटाचे आमदार नितीन देशमुख यांनी एकमेकाना शिवीगाळ केली. त्यामुळे दोंघातील वाद अचानक भडकला. यावेळी दोन्ही आमदार एकमेकांना भिडले अन् एकमेकाच्या अंगावर धावून गेले. यामुळे मोठा गोंधळ उडाला. यावेळी दोन्ही गटाचे कार्यकर्ते मोठया संख्येने उपस्थित होते. त्यांनी याठिकाणी घोषणाबाजी केली. त्यामुळे वातावरण चांगलेच तापले होते.
डीपीडीसी बैठकीनंतर नियोजन भवन परिसरातच भाजप आणि ठाकरेंचे कार्यकर्ते आमने-सामने आले. भाजप आणि ठाकरेंच्या शिवसेनेच्या कार्यकर्त्यांमध्ये यावेळी जोरदार राडा झाला. ठाकरे गटाचे आमदार नितीन देशमुख आणि भाजप आमदार रणधीर सावरकर यांच्यात पहिल्यांदा बोलताना बाचाबाची झाली. दोन्ही आमदारांमध्ये झालेल्या बाचाबाचीनंतर भाजप आणि ठाकरे गटाचे कार्यकर्ते आक्रमक झाले.
बैठकीनंतर सभागृहाबाहेर आल्यानंतर या दोन आमदारात वाद झाला. त्यामुळे हे दोघेही एकमेकाच्या अंगावर धावून गेले. त्यामुळे यावेळी आक्रमक झालेल्या दोन्ही गटाच्या कार्यकर्त्यानी जोरदार घोषणाबाजी केली. त्यामुळे वातावरण चांगलेच तापले होते. दरम्यान, या दोन आमदारांच्या वादात पोलिसांनी हस्तक्षेप करीत कार्यकर्त्यांना शांत केले.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.