BJP vs NCP news : शरद पवार आणि अजित पवार यांची राष्ट्रवादी एकत्र येणारच्या असल्याच्या चर्चा जोरात सुरू आहेत. यातच एकत्र येणे चांगले, अशी प्रतिक्रिया शरद पवार यांनी राज आणि उद्धव ठाकरे बंधूंच्या एकत्रिकरणावर दिली. त्यामुळे आता दोन्ही राष्ट्रवादीसुद्धा एकत्र येतील, असा तर्क लावला जात आहे. याकरिता काही नेत्यांच्या भेटीगाठी सुरू आहेत. काहीजण लपून-छपून भेटतात, असे सांगण्यात येते.
यात कितपत तथ्य आहे, अशी विचारणा केली असता राष्ट्रवादी काँग्रेस पार्टी शरदचंद्र पवार पक्षाच्या नेत्या खासदार सुप्रिया सुळे म्हणाल्या मी सर्वांसोबतच भेटते. त्यात अजितदादा पवार आणि मुख्यमंत्री देवेंद्र फडणवीस यांचाही समावेश आहे. भेटीगाठी घेण्यासाठी मी ‘हुडी‘ वैगरे घालत नाही, असे सांगून त्यांनी मुख्यमंत्र्यांना टोला लगावला. मला ज्यांना भेटायचे आहे त्यांच्याशी दिलखुलास भेटते. फोटो ट्विट करते, असे सांगून सुप्रिया सुळे यांनी आमच्यात काही लपवाछपवी नसल्याचे स्पष्ट केले.
सुप्रिया सुळे (Supriya Sule) एका कार्यक्रमाठी नागपूरला आल्या आहेत. पत्रकारांसोबत संवाद साधताना त्या म्हणाल्या, "मला फक्त मुख्यमंत्री फडणवीस भेट देत नाही. ही माझी तक्रार आहे. आज ते नागपूरमध्येच असल्याचे कळते. तुम्हाला भेटले की माझी तक्रार त्यांच्या कनावार घाला. मला त्यांच्यासोबत काही विषयांवर बोलायचे आहे. हिंदी भाषेचा प्रश्न, शेतकऱ्यांची कर्जमाफी, तेली समाजाचा प्रश्न असे काही विषय आहेत.
दरवर्षी संसदेचे अधिवेशन सुरू होण्यापूर्वी सर्व खासदारांना मुख्यमंत्री बोलतात. मात्र मागील दोन अधिवेशनापासून मुख्यमंत्र्यांनी बैठक बोलावली. माझ्यावतीने तुम्‍ही त्यांना खासदारांची बैठक बोलावण्याची विनंती करा, अशी मिश्किल टीपणीही त्यांनी केली. राष्ट्रवादी काँग्रेसचे प्रदेशाध्यक्ष जयंत पाटील भाजपात जाणार असल्याची चर्चा आहे. यावर त्यांनी भाजपमध्ये (BJP) येण्यासाठी अप्लिकेशन केले आहे का? असा सवाल केला.
ॲडमिशन घ्यायचीच नसल्याने हा प्रश्नच उपस्थित होत नाही असे सांगून त्यांनी हे वृत्त फेटाळून लावले. हिंदी भाषेची सक्ती आणि मराठीचा मुद्दा हा काही राजकीय विषय नाही. सामाजिक प्रश्न आहे. भाषा आणि शिक्षण हे विषय गांभीर्याने घ्यायला हवेत. तज्ज्ञांचा सल्ला घेऊन आपण पुढे केले पाहिजे.
कुणाला तरी खुश करण्यासाठी आपल्या मुलांचे भविष्य कोणी खराब करू शकत नाही. याकरिताच आम्ही मोर्चात सहभागी होण्याचा निर्णय घेतला. यात कोणकोण नेते सहभागी होतील हे आमचे जयंत पाटील हे सांगतील. आमच्यासाठी शिक्षण हा गंभीर विषय असल्याचे खासदार सुळे यांनी सांगितले.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.