Buldhana Bus Accident : 'बसने पेट घेतला, आम्ही काचा फोडून बाहेर पडलो' ; दोन प्रवाशांनी सांगितली 'आप बीती' !

Buldhana Accident News : बुलढाण्यात समृद्धी महामार्गावर विदर्भ ट्रॅव्हल्स बसचा भीषण अपघात झाला. बसने पेट घेतल्यामुळे २५ प्रवाशाचा मृत्यू झाल्याची माहिती समोर आली आहे. विदर्भ ट्रॅव्हल्स क्रमांक एमएच २९ बी ई १८१९ ही नागपूर वरुन पुणेकडे जात होती. (Bus MH 29 BE 1819 was going to Pune from Nagpur) या घटनेमध्ये दोन प्रवासी बचावले आहेत. बसने पेट घेतल्यानंतर १९ आणि २० नंतबरच्या सीटवर बसलेले दोन प्रवासी हे खिडकीचे काच फोडून बाहेर पडले, या संकटसमयी त्यांनी कसाबसा आपला जीव वाचवला. (Latest Marathi News)

बचावलेल्या दोन प्रवाशांनी सांगितली आप बीती -

नागपूरकडून पुण्याकडे निघालेल्या बस मध्ये आम्ही प्रवास करत होतो. रात्रीचं आमचं जेवण झालं होतं. रात्रीच्या सुमारास बस वेगात असताना रस्त्याच्या डिव्हायडरला धडकली. या धडकमुळे बस उलटली. बसने पेट घेतला. आम्ही आसन क्रमांक १९ आणि २० वर बसलो होतो. जीव वाचवण्यासाठी आम्ही काचेची खिडकी तोडून बाहेर पडलो, असे दोन प्रवाशांनी घडलेला प्रसंग सांगितला.

डिव्हायडरला धडक झाल्यामुळे बस उलटली, यामुळे बसने पेट घेतला. (Buldhana Burning Bus) यानंतर बसचे टायरही फुटले. बसच्या डिझेल टाकीचा स्फोट झाला. काही वेळातच पूर्ण बस पेटली, अशी माहिती या अपघातातील प्रवाशांनी दिली आहे. अपघातानंतर अपघातस्थळी पोलीस दाखल झाले. काही अग्निशमन विभागाच्या वाहने या ठिकाणी आल्या आणि त्यांच्याकडून आगीवर नियंत्रण मिळवण्याचे काम सुरू होते, असं या दोन प्रवाशांनी सांगितली.

मुख्यमंत्र्यांची मदतीची घोषणा :

या अपघातावर मुख्यमंत्री एकनाथ शिंदे यांनी दु:ख व्यक्त केली आहे. झालेली घटना दुदैवी आहे, या घटनेत २५ जणांना मृत्यू झाला आहे. गंभीर प्रवाशांचा उपचार सरकार करणार आहे. मृत्यांच्या नातेवाईकांना पाच लाखांची मदत देण्यात येणार आहे, असे मुख्यमंत्री शिंदे यांनी सांगितले. बुलढाणाजवळच्या सिंदखेडराजाजवळील पिंपळखुटा गावाजवळ मध्यरात्री हा अपघात झाला आहे. दरम्यान, अपघातग्रस्त बस ही नागपुरातील विदर्भ ट्रॅव्हल्सची असल्याची माहिती मिळत आहे. (Buldana Samruddhi Mahamarg Accidenू)