ZP Election Update : जिल्हा परिषद निवडणूक तयारीला मोठा धक्का, सुप्रीम कोर्टात आयोगाचा अर्ज; मुदतवाढ मिळणार?

ZP Election : जिल्हा परिषद निवडणूक 31 जानेवारीपर्यंत घेण्याची आदेश सुप्रीम कोर्टाने दिले होते. त्यामुळे आरक्षणाची मर्यादा न ओलांडलेल्या जिल्हा परिषदेच्या निवडणुकीची घोषणा या आठवड्यात होण्याची शक्यता होती. मात्र, निवडणूक आयोगाने पु्न्हा सुप्रीम कोर्टात धाव घेतली आहे.

जिल्हा परिषदेच्या निवडणूक घेण्यासाठी मुदतवाढ देण्याची मागणी निवडणूक आयोगाने कोर्टाकडे केली असून त्या संदर्भात अर्ज दाखल केला आहे. या अर्जावर आजच सुनावणी होणार आहे. त्यामुळे इच्छुकांचे धाबे दणादले आहेत.

जिल्हा परिषद निवडणुकीसाठी 10 फेब्रुवारीपर्यंत मुदतवाढ द्यावी, यासाठी निवडणूक आयोगाने कोर्टात अर्ज केला आहे. सगळ्याच जिल्हा परिषदेच्या निवडणूकांसाठी ही मुदतवाढ द्यावी, अशी विनंती अर्जात करण्यात आली आहे.

आरक्षणाची मर्यादा ओलांडली

50 टक्के आरक्षणाची मर्यादा 20 जिल्हा परिषद आणि पंचायत समित्यांमध्ये ओलांडली आहे. तर, 12 जिल्हा परिषदांमध्ये आरक्षणाची मर्यादा पाळण्यात आली आहे. त्यामुळे पहिल्या टप्प्यात या जिल्हा परिषदांची निवडणूक होण्याचा अंदाज वर्तवला जात होता. मात्र, आता निवडणूक आयोगाने मुदतवाढ देण्यासाठी कोर्टात अर्ज केला आहे.