Maharashtra State Song News: मोठी बातमी! 'जय जय महाराष्ट्र माझा' हे गीत राज्यगीत म्हणून घोषीत...

Maharashtra: 'जय जय महाराष्ट्र माझा' हे गीत राज्यगीत म्हणून घोषीत करण्यात आले आहे. आज झालेल्या मंत्रीमंडळाच्या बैठकीत हा निर्णय घेण्यात आला. तर काही दिवसांपूर्वी 'जय जय महाराष्ट्र माझा' हे गीत राज्यगीत म्हणून घोषीत करण्यात येणार असल्याचे सांस्कृतिक मंत्री सुधीर मुनगंटीवार (Sudhir Mungantiwar) यांनी सांगितले होते.

आज अखेर या निर्णयाला राज्याच्या कॅबीनेटने मंजूरी दिली आहे. छत्रपती शिवाजी महाराज यांच्या जयंतीचे औचित्य साधून १९ फेब्रुवारी २०२३ पासून हे गीत अंगिकारण्यात येणार आहे. त्यामुळे आता 'जय जय महाराष्ट्र माझा' हे गीत या पुढे राज्याचे अधिकृत राज्यगीत असणार आहे.

शाहीर साबळे यांनी 'जय जय महाराष्ट्र माझा' हे गीत गायलेले आहे. प्रेरणागीत म्हणून या गाण्याची ओळख आहे. सध्या देशातील 11 राज्यांचे स्वत:चे गाणे आहे. यामध्ये आता महराष्ट्राचे देखील स्वत:चे गीत असणार आहे. अधिकृत राज्यगीत म्हणून 'जय जय महाराष्ट्र माझा' या गीताला आज मान्यता मिळाली आहे.

दरम्यान, आज मुख्यमंत्री एकनाथ शिंदे (Eknath Shinde) आणि उपमुख्यमंत्री देवेंद्र फडणवीस (Devendra Fadnavis) यांच्या उपस्थितीत मंत्रीमंडळाच्या बैठकीत 15 महत्वाचे निर्णय घेण्यात आले. या निर्णयामध्ये 'जय जय महाराष्ट्र माझा' हे गीत राज्यगीत म्हणून घोषीत करण्यात आले.