Balasaheb Thackeray Death Anniversary : शिवतीर्थावर कडेकोट बंदोबस्त; ५० अधिकारी, ३०० पोलिसांचा फौजफाटा तैनात

Balasaheb Thackeray Smruti Din : शिवसेनाप्रमुख बाळासाहेब ठाकरे यांच्या स्मृतिदिनाच्या पूर्वसंध्येला ठाकरे आणि शिंदे गटात शिवतीर्थावर मोठा राडा झाला. या राड्याप्रकरणी गुन्हा दाखल होण्याची शक्यता आहे. ओळख पटवण्यासाठी व्हिडिओ तपासले जाणार आहेत. या घटनेनंतर मुंबई पोलिस सतर्क झाले आहेत. पोलिसांचा मोठा फौजफाटा शिवतीर्थावर तैनात करण्यात आला आहे.

शिवतीर्थावर घडलेल्या घटनेप्रकरणी कायदेशी चौकशी सुरू आहे, अशी माहिती पोलिस उपायुक्त मनोज पाटील यांनी दिली आहे. कालच्या घटनेनंतर आम्ही जास्त काळजी घेतली आहे. कायदा सुव्यस्था कुठेही बिघडणार नाही, याची खबरदारी घेतली जात आहे.

परिसरामध्ये 50 पेक्षा जास्त अधिकारी तैनात करण्यात आले आहेत, असे पोलिस उपायुक्त मनोज पाटील म्हणाले. एकूण ३०० पोलिसांसह राज्य राखीव दल आणि शीघ्र कृती दलाचे जवानही तैनात करण्यात आल्याचं उपायुक्त पाटील यांनी सांगितलं.

(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)

दरम्यान, कालच्या घटनेनंतर आज सकाळपासून शिवाजी पार्कात तणावपूर्ण शांतता आहे. कालच्या राड्यानंतर आज शिवाजी पार्कात म्हणजेच शिवतीर्थावर कडेकोट पोलिस बंदोबस्त ठेवण्यात आला आहे. राज्यभरातून शिवसैनिक स्मृतिस्थळावर दर्शनासाठी येत असतात. आणि मोठी गर्दी होत असते. कालच्या घटनेच्या पार्श्वभूमीवर कुठलाही अनुचित प्रकार घडू नये, यामुळे पोलिसांनी पूर्ण खबरदारी घेतली आहे.