Gram Panchayat Election Results : नेते जरी पक्ष सोडून गेले, तरी पालघरचा गड मात्र कार्यकर्त्यांनी राखला!

Palghar News : राज्यात गेल्या सव्वा वर्षापासून शिवसेना आणि राष्ट्रवादी काँग्रेसचे अनेक नेते पक्ष सोडून गेले असले, तरी कार्यकर्ते मात्र मूळ पक्षासोबत राहिल्याने पक्ष सोडून गेलेल्या मुख्यमंत्री एकनाथ शिंदे गट आणि राष्ट्रवादीचा अजित पवार गट यांना काही ठिकाणी मतदारांनी नाकारल्याचे ग्रामपंचायतींच्या निकालावरून दिसून येत आहे.

(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)

पालघर जिल्ह्यात ग्रामपंचायत निवडणुकीत भाजपाने 19 जागा, शिवसेना उद्धव ठाकरे 9 जागा, मार्क्सवादी कम्युनिस्ट पार्टी 9 जागा, बहुजन विकास आघाडी 5 जागा, राष्ट्रवादी काँग्रेसच्या शरद पवार गट 4 जागा, स्थानिक आघाडी 3 जागा, महाविकास आघाडी - दोन जागा, मनसे एक, अपक्ष एक, एक बिनविरोध आणि एक बहिष्कार अशा एकूण 51 जागी झालेल्या निवडणुकीत जिल्ह्यातील राजकीय पक्ष व आघाडीने विजय संपादित केला आहे,

जिल्ह्यातील प्रतिष्ठेच्या समजल्या जाणाऱ्या पालघर तालुक्यातील 16 ग्रामपंचायती पैकी माहीम, शिरगाव, सरावली, सालवड, खैरा पाडा, मासवण, या ग्रामपंचायती 'उबाठा' गटाने जिंकल्या असून बोर्डी ग्रामपंचायत भाजपाकडून राष्ट्रवादीने घेतली आहे. त्यामुळे नेते जरी गेले असले तरी कार्यकर्त्यांनी पालघरचा गड राखला असे चित्र आहे.

या निवडणुकीत सीपीएम : 9 आणि बविआने 5 जागांवर विजय मिळवून आपले गड राखले आहेत. तर राज ठाकरेंचे पुत्र आदित्य ठाकरे येऊनही त्यांचा करिश्मा काही चालला नाही. त्याच बरोबर शिंदे गटाचे खासदार राजेंद्र गावित यांचाही करिष्मा चालला नाही. दुसरीकडे मात्र भाजपाने पुन्हा एकदा पालघर मध्ये आपले पाय रोवण्यास सुरुवात केल्याचे निकालावरून दिसून येत आहे.

एकूण ग्रामपंचायत -53

भाजप - 19

शिव सेना शिंदे गट - 04

शिवसेना उद्धव ठाकरे गट - 12

अजित पवार गट - 0

शरद पवार गट - 04

बहुजन विकास आघाडी: 5

सिपिएम : 9

मनसे: 1

(Edited by - Mayur Ratnaparkhe)