Mahayuti News : मनासारखे घडेना, महायुतीतील 'नाराजीनाट्य' काही संपेना; आता 'या' कारणावरून शिवसेनेचे मंत्री नाराज

Mumbai News : राज्यात विधानसभा निवडणुकीत महायुतीला स्पष्ट बहुमत मिळाले. त्यानंतर महायुती सरकारने सत्तास्थापनेचा दावा केला. त्यानंतर सुरुवातीच्या काळात मुख्यमंत्रीपदावरून शिवसेना व भाजपमध्ये चुरस पहावयास मिळाली. त्यावरून उपमुख्यमंत्री एकनाथ शिंदे काही दिवस नाराज होते. त्यांची नाराजी दूर झाल्यानंतर पुन्हा गृहमंत्रिपदाची मागणी करीत शिवसेनेने नाराजी व्यक्त केली. त्यानंतर मंत्रीपदांचे वाटप आणि शेवटी खातेवाटप या बाबी टप्प्याटप्प्याने चर्चेत राहिल्या. यासाठी महायुतीमधील भाजप, शिवसेना शिंदे गट व राष्ट्रवादी काँग्रेस अजित पवार गटांत चुरस दिसून आली.

खातेवाटप झाल्यानंतर गेल्या दोन दिवसापासून पालकमंत्रीपदांवरून महायुतीमधील तीन पक्ष दावे करीत असतानाच आता मंत्र्यांना दालन देण्यात आले तर बंगल्यांचेही वाटप करण्यात आले. मात्र, या बंगले वाटपावरून आता शिवसेनेतील (Shivsena) काही मंत्री नाराज असल्याचे पुढे आले आहे. मंत्रिमंडळातील एकनाथ शिंदेच्या शिलेदारांनी पुढे येत नाराजी व्यक्त केली आहे. त्यामुळे वातावरण चांगलेच तापले आहे.

दरम्यान, खाते वाटपानंतर आता नव्या मंत्र्यांना बंगल्याचं वाटप देखील करण्यात आले आहे. मात्र, बंगल्याचं वाटप करत असताना भाजपच्या मंत्र्यांना बंगले देण्यात आले आहेत. तर शिवसेनेच्या कॅबिनेट मंत्र्यांना मात्र बंगल्याऐवजी फ्लॅट देण्यात आले आहेत. त्यामुळे शिवसेनेच्या अनेक मंत्र्यांकडून नाराजी व्यक्त करण्यात आली आहे, शिवसेनेचे मंत्री संजय शिरसाट (Sanjay shirsat), प्रताप सरनाईक आणि भरत गोगावले यांना बंगल्याऐवजी फ्लॅट देण्यात आले आहेत. त्यामुळे त्यांनी नाराजी व्यक्त केली.

एकीकडे भाजपच्या मंत्र्यांना बंगले देण्यात आले आहेत तर दुसरीकडे शिवसेना शिंदे गटाच्या मंत्र्यांना फ्लॅट मिळाल्यामुळे मंत्र्यांनी खंत व्यक्त केली. भाजपच्या मंत्र्यांना बंगले मिळाले तर शिवसेनेच्या काही मंत्र्यांना मात्र फ्लॅट देण्यात आला आहे. त्यामुळे सेनेच्या मंत्र्यांनी उघडपणे नाराजी व्यक्त केली.

दरम्यान, वेगवेगळ्या कारणामुळे महायुतीमधील घटक पक्ष असलेल्या भाजप, शिवसेना शिंदे गट व राष्ट्रवादी काँग्रेस अजित पवार गट यांच्यात या-ना त्या कारणाने नाराजी व्यक्त केली जात असल्याने ही नाराजी दूर करण्यातच पक्षातील ज्येष्ठ मंडळींचा वेळ जात आहे.