Sonali Bendre: राज ठाकरेंसोबत ॲफेअर? तीन महिन्यानंतर सोनालीनं सोडलं मौन, म्हणाली, 'आमचं जुनं नातं...'

बॉलिवुडची अभिनेत्री सोनाली बेंद्रे हिचे चाहते भारताच नव्हे तर शेजारील पाकिस्तानातही आहेत. नव्वदच्या दशकात मोजकेच पण सुपरहिट चित्रपट देणारी सोनाली बेंद्रे पुन्हा चर्चेत आली. काही दिवसापूर्वी मनसेचे प्रमुख राज ठाकरे यांच्यासोबत तिचा व्हिडिओ व्हायरल झाला होता. त्यावर तिनं भाष्य केलं आहे.

राज-सोनाली यांचा व्हिडीओ सोशल मीडियावर तुफान व्हायरल झाला होता. व्हिडिओ मध्ये तिच्यासोबत राज ठाकरेसुद्धा दिसले होते. सोनाली अन् राज यांच्या ॲफेअरच्या चर्चेला यामुळे पुन्हा हवा मिळाली होती. यावर सोनालीनं ‘एएनआय’ वृत्तसंस्थेला दिलेल्या मुलाखतीत स्पष्टीकरण दिले आहे. राज आणि आपल्यात काय नातं आहे, यावर तिनं भाष्य केलं आहे.

फेब्रवारीमध्ये मुंबई येथे मराठी भाषा गौरव दिनानिमित्त आयोजित कार्यक्रमात राज ठाकरे आणि सोनाली बेंद्रे सोबत एकाच व्यासपीठावर दिसले होते. त्याचा व्हिडिओ सोशल मीडियावर व्हायरल झाला होता. 30 वर्षांनंतर ते भेटले, अशा प्रकारचे बातम्या प्रसिद्ध झाल्या होत्या.

काही माध्यमांनी राज अन् सोनाली यांच्यात ॲफेअर होते, असा गंभीर दावा केला होता. हा दावा सोनालीनं मुलाखतीत खोडून काढला आहे. त्या व्हिडिओत सोनाली ही राज ठाकरे यांना खुणावत असल्याचे दिसते.

त्यावर सोनाली म्हणाली, "'मी माझ्या बहिणीशी बोलत होते.जी तिथेच उभी होती. लोक आमच्याबाबत असे बोलतात त्यावर वाईट वाटते. लोक जेव्हा आमच्याबद्दल असं बोलतात ते मला बिलकूल आवडत नाही. आणि महत्त्वाचं म्हणजे आमचं कुटुंब यामध्ये सहभागी आहे.

"माझे दाजी क्रिकेटपटू आहेत. ते राज यांच्या चुलत बहिणीच्या पतीसोबत क्रिकेट खेळतात. माझ्या बहिणीच्या सासूबाई रुईया कॉलेजमध्ये विभागप्रमुख आहेत. त्या इंग्रजी साहित्य शिकवायच्या. तिथेच माझंही शिक्षण झालं होतं. राज यांची पत्नी शर्मिला आणि त्यांची आई आणि माझी मावशी खूप चांगल्या मैत्रिणी आहे. आमच्या ठाकरे कुटुंबियांचे चांगले संबंध आहे. आमचं जुनं नातं आहे," असं सोनाली म्हणाली.