Mumbai, 29 June : नेहमीच्या पद्धतीप्रमाणे विरोधकांनी आजही चहापानावर बहिष्कार टाकला. गेली कित्येक वर्षे चहापानावर बहिष्कारच चालला आहे. आता ते चहापान रद्दच करावं, असं वाटायला लागलं आहे. कशाला चहापान ठेवायचं? असा सवाल उपमुख्यमंत्री अजित पवार यांनी उपस्थित केला.
पावसाळी अधिवेशनाला उद्यापासून (ता. 30 जून) मुंबईत सुरुवात होणार आहे. त्या पार्श्वभूमीवर आयोजित करण्यात आलेल्या पत्रकार परिषदेत उपमुख्यमंत्री अजित पवार (Ajit Pawar) बोलत होते. ते म्हणाले, पुरवण्या मागण्या उद्याच सभागृहात मांडण्यात येणार आहेत. विरोधक काहीही चर्चा करत असले तरी आजच्या चहापानाच्या कार्यक्रमात त्यांनी भाग घेतला असता तर महत्वाच्या प्रश्नावर ऊहापोह करता आला असता, कोणते महत्वाचे प्रश्न चर्चेला घ्यायचे हेही ठरवता आलं असतं. पण नेहमीच्या पद्धतीप्रमाणे विरोधकांनी चहापानवर बहिष्कार टाकला.
विरोधकांकडून गेली कित्येक वर्षे चहापानावर बहिष्कारच चालला आहे. आता ते चहापान रद्दच करावं, असं वाटायला लागलं आहे. कशाला चहापान (Tea Party) ठेवायचं? आमचं आम्ही येऊन चहापान घेऊ, कॅबिनेट करू, पत्रकारांशी संवाद साधू आणि निघून जाऊ, असं मनात यायला लागलं आहे. पण तसं होणार नाही. विरोधकांनी प्रतिसाद दिला तर चर्चा करण्याची आमची तयारी आहे. लोकशाहीत चर्चा करून निर्णय घेणे गरजेचे आहे. त्या पद्धतीनेच महायुतीचे सरकार काम करत राहणार आहे, असा शब्दही अजितदादांनी दिला.
हिंदी भाषेच्या सक्तीचे परिपत्रक रद्द करण्यात आल्याने मुंबईतील मराठी माणसांना वेठीस धरून मोर्चा काढायचं काही कारण नाही, त्यामुळे तो मोर्चा रद्द करण्यात यावा, असं आवाहन मी करतो. ज्या कारणांसाठी मोर्चा होता, ते आता रद्दच झाले आहे ना. मग लोकांना कशाला वेठीस धरायचं. सर्वांना त्याचा त्रास. हा कुठं चालला. तो आला का?, हा आला नाही का? कोणाचा झेंडा नाही, काही नाही. त्यामुळे मोर्चा रद्द करून टाकण्यात यावा, असे आवाहन अजित पवार यांनी केले.
राज्यात विरोधक संख्येने कमी असले तरी त्यांच्या प्रत्येक प्रश्नांना उत्तरे दिली जातील. फेक नेरटिव्ह तयार करण्याचा प्रयत्न विरोधकांचा असतो. पण, प्रत्येक प्रश्नाला आमच्याकडे उत्तर आहे, असेही त्यांनी स्पष्ट केले.
लाडक्या बहिणींचा हप्ता उद्या खात्यावर जमा होणार
लाडक्या बहिणींचा 3600 कोटी रुपयांचा हप्ता डीबीटीला पाठविण्यात आलेला आहे. या महिन्याचे पैसे लाडक्या बहिणींच्या खात्यावर जमा होतील, असेही अर्थमंत्री अजितदादांनी जाहीर केले.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.