Sameer Wankhede News : समीर वानखडेंना उच्च न्यायालयाचा मोठा दिलासा; नेमकं काय झालं ?

Sameer Wankhede And Cordelia Cruise Case : बहुचर्चित कॉर्डेलीया क्रुझ ड्रग्स प्रकरणात लाच आणि खंडणीचा आरोप असलेले एनसीबीचे माजी झोनल डायरेक्टर समीर वानखडे यांना मोठा दिलासा मिळाला आहे. वानखडे यांनी मुंबई उच्च न्यायालयात एक याचिका दाखल केली होती. त्या याचिकेमध्ये बदल करण्याची परवानगी वानखेडे यांनी मागितली होती. त्यानुसार गुरुवारी (ता. ६) उच्च न्यायालयाने याचिका बदल करण्याची परवानगी दिली आहे. यामुळे वानखेडे यांना दिलासा मिळाल्याचे बोलले जात आहे. (Latest Marathi News)

कॉर्डेलीया क्रुझ ड्रग्स प्रकरणात समीर वानखेडे यांच्यावर लाच घेतल्याचा आरोप आहेत. या प्रकरणी उच्च न्यायालयात सुनावणी सुरू आहे. दरम्यान, या प्रकरणात केवळ लाच घेणाऱ्यांवर गुन्हा दाखल करण्यात आला आहे. लाच देणाराही आरोपी असतो. त्यामुळे लाच देणाऱ्यालाही आरोपी करण्याची मागणी वानखेडे यांनी केली होती. या मागणीसाठी वानखेडे यांनी याचिकेत बदल करण्याची मागणी केली होती. त्याला आता न्यायालयाने परवानगी दिली आहे.

या हायप्रोफाईल प्रकरणात अभिनेता शाहरुख खान याचा मुलगा आर्यन खान याच्यावर कारवाई न करण्याच्या बदल्यात लाच घेतल्याचा आरोप समीर वानखेडे यांच्यावर आहे. या लाचखोरी प्रकरणात लाच घेणारा आणि देणारा दोघेही आरोपी असल्याचा दावा वानखेडे यांच्या वकिलांनी युक्तीवादादरम्यान केला होता. तसेच 'सीबीआय'ने फक्त कथित लाच घेणाऱ्यांवरच गुन्हा दाखल केला. लाच देणाऱ्यांवर कोणतीही कारवाई नाही, असेही त्यांनी म्हटले होते. त्यामुळे लाच देणाऱ्यांवरही कारवाई करण्याची मागणी वानखेडे यांनी केली होती. समीर वानखेडे यांनी आपल्या विरोधातील गुन्हा रद्द करण्यात यावा यासाठी उच्च न्यायालयात धाव घेतली आहे.

या प्रकरणात समीर वानखडे यांची 'सीबीआय'ने चौकशी तीन वेळा कार्यालयात बोलावून चौकशीही केलेली आहे. समीर वानखडे यांना मुंबई उच्च न्यायालयाने अटकेपासून संरक्षण दिलेले आहे. समीर वानखडे यांच्याविरोधात कारवाईसंदर्भात 'सीबीआय'ला ठोस भूमिका स्पष्ट करण्याचे निर्देश दिले होते.

(Edited by Sunil Dhumal)